قىرعىز رەسپۋبليكاسىنىڭ سىرتقى ىستەر مينيسترلىگى 18 مامىرعا قاراعان ءتۇنى ەل استاناسىندا شەتەلدىكتەردىڭ قاتىسۋىمەن بولعان جاپپاي توبەلەسكە قاتىستى تۇسىنىكتەمە بەردى، دەپ حابارلايدى almaty-akshamy.kz.
مالىمدەمە سىرتقى ساياسات ۆەدومستۆوسىنىڭ رەسمي سايتىندا جاريالاندى.
ءسىم حابارلاعانداي، ەل ميليسياسى اتالعان وقيعا تۋرالى اقپارات تۇسكەن ساتتەن باستاپ "وقيعاعا قاتىسى بار شەتەلدىك ازاماتتاردى دا، قىرعىز رەسپۋبليكاسىنىڭ ازاماتتارىن دا ۇستاۋ بويىنشا جەدەل شارالار قابىلدادى".
"جاعداي تولىعىمەن كۇش قۇرىلىمدارىنىڭ باقىلاۋىندا بولدى. ازاماتتاردىڭ قاۋىپسىزدىگى مەن قوعامدىق ءتارتىپ قامتاماسىز ەتىلدى. وقيعاعا قاتىسۋشىلار اراسىندا اۋىر زارداپ شەككەندەر جوق. مەديسينالىق مەكەمەلەرگە 15-كە جۋىق ازامات جۇگىندى. قىرعىز رەسپۋبليكاسىنىڭ سىرتقى ىستەر مينيسترلىگىنە زارداپ شەككەن شەتەل ازاماتتارى بويىنشا قانداي دا ءبىر حابارلامالار تۇسكەن جوق"، دەلىنگەن ءسىم مالىمدەمەسىندە.
سونداي-اق، ۆەدومستۆو ب ا ق پەن شەتەلدىك ديپلوماتيالىق وكىلدىكتەردىڭ وكىلدەرىن جالعان جانە تەكسەرىلمەگەن اقپاراتتى تاراتپاۋعا شاقىردى.
بۇل ارادا اشىپ كورسەتىلمەگەن شەتەلدىكتەر دەگەندەرى پاكىستاندىقتار بولۋى مۇمكىن. بۇعان دەيىن جاپپاي تارتىپسىزدىكتەر تۋرالى پاكىستان پرەمەر-مينيسترى شاحباز شاريف تۇسىنىكتەمە بەرگەن بولاتىن. 18 مامىرعا قاراعان ءتۇنى بىشكەك پوليسياسى 300-گە جۋىق جاس جىگىتتىڭ جاپپاي توبەلەستەن كەيىن شەتەلدىكتەردەن كەك الۋ ءۇشىن كوتەرىلۋىنە بايلانىستى بارلىق جەكە قۇرامدى اياعىنان تىك تۇرعىزدى. ميليسيا كوردوندار قويىپ، توپ ادامدى تەجەپ ۇستاۋعا تىرىستى. ق ر ۇلتتىق قاۋىپسىزدىك كوميتەتى قىرعىزستانمەن شەكاراداعى جاعدايعا قاتىستى مالىمدەمە جاسادى.