جەلى قولدانۋشىلارى كيىز ۇيدە مۇنداي بي بيلەۋ قازاق مادەنيەتىن قورلايتىنىن جازعان. ولار ۆيدەو قاتىسۋشىلارىنا جازا قولدانۋدى تالاپ ەتىپ، ءتۇرلى پىكىر قالدىرىپ جاتىر، دەپ حابارلايدى اlmaty-akshamy.kz.
"ونەر دەيسىڭ بە؟ اتاڭنىڭ باسى!"، "ۇلتتىق كيىمگە وسىنداي قارىم-قاتىناس جاساعانى ءۇشىن ايىپپۇل سالىنۋى قاجەت!"، "ماعان سەنىڭ بيلەگەنىڭ ۇنايدى، ءبىراق ۇلتتىق كيىممەن ەمەس، كيىز ۇيدە باسقا ءداستۇرلى بي بولۋى كەرەك ەدى"، "مەنىڭ ويىمشا، اكىمشىلىك جاۋاپكەرشىلىككە تارتىلۋى قاجەت"، "مالدار"، "نە ىستەيمىز؟ باسقا بىرەۋلەر باۋىزداپ كەتپەي تۇرعاندا جاۋاپكەرشىلىككە تارتامىز با؟ نامىسى قاتتىلار ءبىر نارسە ءبۇلدىرىپ، كەيىن وسى ءۇشىن تۇرمەگە قامالادى. سول ءۇشىن وسىنداي ارەكەتكە جول بەرمەي الدىن الا وزدەرىڭىز قاراستىرۋلارىڭىزدى سۇرايمىن"، "نە ىستەسەڭىزدەردە ءوز ەرىكتەرىڭىز! ءبىراق، كيىز ءۇي مەن ۇلتتىق كيىمدى قورلاماڭىزدار!"، - دەپ جازدى حالىق.
سونىمەن قاتار، قوعام بەلسەندىلەرى دە جەكە پاراقشالارىنا جازبا جاريالاپ، ۆيدەونى "ازعىندىققا" تەڭەگەن.
"ابىلاي تۋعان، اباي تۋعان، تانا مىرزا تۋعان كيگىز ۇيدە بەي كيىمسىز ءۇش "قىز" بيلەپ ءجۇر ەكەن. كورمەككە كوز، ايتپاققا ءسوز ۇيالىپ تۇر.
جالپى، بىزدە ۇلتتىق يدەولوگياعا كىم جاۋاپ بەرۋشى ەدى؟"، - دەپ جازعان جۋرناليست وڭعار قابدەن.