Starlink ينتەرنەتى ءۇشىن اۋىلدىق مەكتەپتەر اي سايىن شامامەن 140 مىڭ تەڭگە تولەپ تۇرادى، دەپ حابارلايدى اlmaty-akshamy.kz قازاقستان رەسپۋبليكاسى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنە سىلتەمە جاساپ.
مينيسترلىك باسشىسى جاسلان مادييەۆ مۇنداي تاريف بارلىق مەكتەپتەر ءۇشىن قولدانىلاتىنىن اتاپ ءوتتى. ول ءار مەكتەپتە كومپانيانىڭ ءبىر تەرمينالى ورناتىلعانىن ايتتى.
بۇل سپۋتنيكتەن سيگنالداردى قابىلدايتىن جانە ينتەرنەتتى قامتاماسىز ەتەتىن ابونەنتتىك قۇرىلعى. مارشرۋتيزاتوردىڭ ءبىر ءتۇرى. ءار مەكتەپ بويىنشا 2500 دوللار (1،1 ملن تەڭگە) قۇرايدى، – دەدى تەلەكوممۋنيكاسيا كوميتەتىنىڭ ءتوراعاسى ەرجان مەيراموۆ.
ونىڭ ايتۋىنشا، جابدىقتىڭ قىزمەت ەتۋ مەرزىمى شەكسىز. كومپانيا تەرمينالدارعا كەپىلدىك پەن تەحنيكالىق قىزمەت كورسەتەدى. مينيستر ءوز بايانداماسىندا ءقازىر Starlink-كە 17 وڭىردە 1485 اۋىلدىق مەكتەپ قوسىلعانىن اتاپ ءوتتى.
مەكەمەلەردەگى Starlink ينتەرنەت جىلدامدىعى ورتا ەسەپپەن 150 مبيت/س قۇرايدى، ال بۇرىن 4 مبيت/س اسپاعان.