500-گە جۋىق ادام اۋرۋحانادا ەم الىپ جاتىر.
الماتىدا ءبىر تاۋلىكتە 158 ادام كوروناۆيرۋس جۇقتىردى. ونىڭ 141-دە سيمپتوم بار، 17-سىندە اۋرۋ بەلگىلەرى جوق، دەپ حابارلايدى Almaty-akshamy.kz.
جازىلىپ شىققاندار سانى 66 بولسا، 31 ادام اۋرۋحاناعا جاڭادان ءتۇستى. 1330 توسەك-ورىندىق ينفەكسيالىق ستاسيونارلاردا 495 ادام جاتىر، ونىڭ ىشىندە 24 بالا بار. جالپى رەانيماسيا جانە قارقىندى تەراپيا بولىمشەسىندە 52 ادام جاتىر.
«22 ناۋقاس جاساندى تىنىس الۋ اپپاراتىنا قوسىلعان. ءينۆازيۆتى ەمەس جاساندى تىنىس الۋ اپپاراتىندا 5 ادام ەم قابىلداۋدى جالعاستىرۋدا. High flow-دا 9 اپپارات جۇمىس ىستەيدى»، - دەلىنگەن الماتى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاماسىندا.
مەديسينالىق-سانيتارلىق العاشقى كومەك ءموبيلدى بريگادالارىنىڭ جانە تەلەمەديسينا ورتالىعىنىڭ امبۋلاتوريالىق باقىلاۋىندا 1566 ناۋقاس بار. ونىڭ ىشىندە جەڭىل جانە ورتاشا اۋىر جاعدايدا 1426 ناۋقاس، سيمپتومسىز 140 ناۋقاس بار.