الماتىلىق دارىگەر بالالاردىڭ نەلىكتەن قانت ديابەتىمەن ءجيى اۋىراتىنىن ءتۇسىندىردى

بۇل - اۋتويممۋندى پاتولوگيا.

№36 قالالىق ەمحانانىڭ ەندوكرينولوگ دارىگەرى جاكلين ەرمۇراتوۆا نەلىكتەن بالالاردىڭ نەلىكتەن قانت ديابەتىمەن ءجيى اۋىراتىنىن ءتۇسىندىردى، دەپ حابارلايدى Almaty-kshamy.kz قازاقپاراتقا سىلتەمە جاساپ.

ونىڭ ايتۋىنشا، سوڭعى كەزدەرى بالالاردا جەڭىل كومىرسۋلى تاماقتاردى جەپ، دەنە شىنىقتىرۋمەن جەتكىلىكتى تۇردە اينالىسپاعاندىقتان، دەنە سالماعىنىڭ ارتۋى سەبەپتى ءىى تيپتەگى قانت ديابەتى انىقتالىپ جاتىر. بالالارداعى قانت ديابەتى، كوبىنەسە، اۋتويممۋندى پاتولوگيا.

«ايەلدەردە جۇكتىلىك كەزىندە انتيدەنە جاسالاتىن اۋتويممۋندى پاتولوگيا مەن ينفەكسيا، سوڭىندا ەندوكريندىك تەمىردىڭ ءقاۋىپ ءتوندىرۋشى كلەتكالارى انىقتالادى. مىسالى، انتيدەنەلەر قالقانشا بەزدى جاۋلايدى، سونىڭ سالدارىنان اۋتويممۋندى تيرەويديت داميدى. جاۋلانعان ۇيقى بەزىنىڭ كلەتكالارى بالادا اۋتويممۋندى قانت ديابەتىنىڭ دامۋىنا اپارادى»، - دەيدى №36 قالالىق ەمحانانىڭ ەندوكرينولوگ-دارىگەرى جاكلين ەرمۇراتوۆا.

سونىمەن قاتار، ول ءى ءتيپتى قانت ديابەتىمەن اۋراتىن بالالار ءومىر بويى ءينسۋليندى تەراپيا الاتىن بولادى. بۇل ءينسۋليننىڭ ءابسوليۋتتى تۇردە جەتكىلىكسىز بولۋىنا بايلانىستى ەكەنىن جەتكىزدى.

«بالالاردى جەڭىل سىڭەتىن كومىرسۋلى تاماقتار مەن ءتاتتى گازدالعان سۋسىنداردى، فاستفۋد، جارتىلاي فابريكات ونىمدەردى ىشكىزبەۋ ارقىلى جانە دەنە شىنىقتىرۋ جۇكتەمەسىن جوعارلاتۋ ارقىلى كۇن ءتارتىبىن، تاماقتانۋ جانە ۇيقى رەجيمىن دۇرىس ساقتاي وتىرىپ 2 تيپتەگى قانت ديابەتىنەن اۋلاق ۇستاۋعا بولادى»،- دەدى جاكلين ەرمۇراتوۆا.