بۇگىنگى كۇنگە دەيىن ەكپەنىڭ تولىق دوزاسىن العانداردىڭ جالپى سانى 298 003 ادامعا جەتكەن. بۇل تۋرالى قالالىق قوعامدىق دەنساۋلىق ساقتاۋ باسقارماسى ءمالىم ەتتى، دەپ حابارلايدى Almaty-akshamy.kz.
"29 ماۋسىم كۇنى 12 275 الماتىلىق ۆاكسينا سالدىردى. بيىلعى جىلدىڭ 1 اقپانى مەن 29 ماۋسىمى ارالىعىندا قالادا ۆاكسينانىڭ تولىق دوزاسىن 298 003 ادام الدى. ۆاكسينا العانداردىڭ ىشىندە 76 660 ادام - 60 جاستان اسقان قاريالار" - دەپ حابارلادى باسقارما.
قالادا 208 ەگۋ پۋنكت جۇمىس ىستەپ تۇر. 1 256 ادامنان تۇراتىن 307 ەگۋ بريگاداسى بار. سونىمەن قاتار، 40 كوشپەلى ءموبيلدى بريگادا ۇيىمداستىرىلدى.
«قازىرگى تاڭدا مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ سوسو-دا ۆاكسينا سالۋ پۋنكتتەرى جۇمىس ىستەيدى»، - دەپ ناقتىلادى دەنساۋلىق ساقتاۋ باسقارماسىنىڭ باسپا ءسوز قىزمەتى.
قالا بويىنشا ۆاكسينانىڭ قالدىعى – ءبىرىنشى كومپونەنتتىڭ 54 680 دوزاسى جانە ەكىنشى كومپونەنتتىڭ 109 491 دوزاسى بار. ايتا كەتەيىك، 26 ماۋسىم كۇنى الماتىعا QazVac ۆاكسيناسىنىڭ 1 جانە 2 كومپونەنتىنىڭ 9 000 دوزاسى جەتكىزىلدى.