وزگەرىستەردە جاڭا تىركەلگەن بيزنەس كاسىپورىندارى ءۇشىن ءوز ونىمدەرىن وتكىزۋ كەزىندە قوسىلعان قۇن سالىقتى 70%-عا تومەندەتۋ سياقتى سالىق جەڭىلدىكتەرى كوزدەلگەن. بۇل جەڭىلدىكتى زاڭدى تۇلعا تىركەلگەن ساتتەن باستاپ ەكى جىل بويى قولدانۋىنا بولادى.
زاڭدا پاندەميادان تۋىنداعان شەكتەۋ شارالارى كەزەڭىندە بيزنەستى قولداۋ شارالارىن كورسەتۋگە، سالىق مىندەتتەمەلەرىنىڭ ورىندالۋىن جەڭىلدەتۋگە جانە ىسكەرلىك بەلسەندىلىكتى ىنتالاندىرۋعا باعىتتالعان وزگەرىستەر بار، دەپ حابارلايدى Almaty-akshamy.kz ق ر ۇلتتىق ەكونوميكا مينيسترلىگىنىڭ باسپا ءسوز قىزمەتىنە سىلتەمە جاساپ.
مينيسترلىكتىڭ مالىمەتىنشە، قازاقستان رەسپۋبليكاسىنىڭ «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسىنە (سالىق كودەكسى) جانە قازاقستان رەسپۋبليكاسىنىڭ «قازاقستان رەسپۋبليكاسىنىڭ سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسىن (سالىق كودەكسى) قولدانىسقا ەنگىزۋ تۋرالى» زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭىنا قول قويدى.
وندەۋ ونەركاسىبىندەگى شاعىن بيزنەس سۋبەكتىلەرى ءۇشىن ولار جاڭا نەگىزگى قورلارعا قايتا ينۆەستيسيالانعان جاعدايدا الىنعان تابىستان كورپوراتيۆتىك تابىس سالىعىنان بوساتۋ كوزدەلگەن. بۇل ينۆەستيسيالىق احۋالدى جاقسارتۋعا جانە وڭدەۋ ونەركاسىبىن دامىتۋعا مۇمكىندىك بەرەدى.
سونداي-اق، زاڭدا پاندەمياعا بايلانىستى تەكسەرۋ مەن ەمدەۋدى قوسا العاندا، سانيتاريالىق-ەپيدەميولوگيالىق، سانيتاريالىق-پروفيلاكتيكالىق ءىس-شارالاردى ۇيىمداستىرۋعا جانە جۇرگىزۋگە جۇمىس بەرۋشىنىڭ شىعىستارى بويىنشا قىزمەتكەردىڭ تابىسى تابىس سالىعىن سالۋدان بوساتىلاتىن نورمالار بار.
جاڭا ەنگىزىلىمدەردىڭ ءبىرى موبيلدىك قوسىمشانى پايدالانۋ ارقىلى ارنايى سالىق رەجيمىن ەنگىزۋ بولىپ تابىلادى، ول سالىق تولەۋشىنىڭ قىزمەتىن تىركەۋدى، توقتاتۋىن جانە سالىق مىندەتتەمەلەرىن ورىنداۋىن جەڭىلدەتۋگە مۇمكىندىك بەرەدى.
2021 جىلعى 1 قاڭتاردان باستاپ پاندەميادان زارداپ شەككەن 114 قىزمەت ءتۇرى ءۇشىن بولشەك سالىقتىڭ ارنايى سالىق رەجيمى 2 جىل مەرزىمگە ەنگىزىلدى. 2023 جىلدان 2025 جىلعا دەيىن قوعامدىق تاماقتانۋ سالاسى ءۇشىن رەجيم ۇزارتىلادى. سالىق ستاۆكاسى 6% مولشەرىندە بەلگىلەنگەن.
رەجيمنىڭ باستى ەرەكشەلىگى - رەجيمدى تولەۋشىلەر قوسىلعان قۇن سالىق پەن الەۋمەتتىك سالىقتى تولەمەيدى.
سونداي-اق، زاڭمەن سالىقتىق اكىمشىلەندىرۋ بولىگىندە سالىق تولەۋشىلەردىڭ قىزمەتىنە وڭ اسەر ەتەتىن نورمالار قابىلداندى. ماسەلەن، 6 ايلىق ەسەپتىك كورسەتكىش نەمەسە 17 502 تەڭگە سالىق بەرەشەگىنىڭ شەكتى مولشەرى بەلگىلەنگەن، ودان تومەن بولسا شوتتارعا تىيىم سالىنبايدى. ءىس جۇزىندە، ءتىپتى شامالى سوما شوتتاردىڭ جابىلۋىنا جانە، تيىسىنشە، بيزنەس سۋبەكتىلەرىنىڭ توقتاتىلۋىنا اكەلۋى مۇمكىن.
بانكتەرگە سالىق تولەۋشى قارىزدى تولەگەننەن كەيىن بىردەن شوت اشۋ قۇقىعى بەرىلدى. سالىق بەرەشەگىن وتەگەن جاعدايدا شوتتاردى جىلدام اشۋ بيزنەس سۋبەكتىلەرىنىڭ ۋاقىتىن ۇنەمدەۋگە مۇمكىندىك بەرەدى.
مەملەكەت باسشىسىنىڭ ۇكىمەتتىڭ 1 ساۋىردەگى كەڭەيتىلگەن وتىرىسىندا بەرگەن تاپسىرمالارىن ورىنداۋ ءۇشىن 2021 جىلعى 1 ساۋىردەن باستاپ 1 شىلدەگە دەيىن زارداپ شەككەن سالالاردا ەڭبەكاقى تولەۋ قورىنان جەكە تابىس سالىق جانە الەۋمەتتىك سالىق تولەۋدى كەيىنگە قالدىرۋ ەنگىزىلدى. بۇل ەرەجە بولشەك سالىق رەجيمى ءۇشىن انىقتالعان 114 قىزمەت تۇرىنە قولدانىلۋى مۇمكىن.
پاندەمياعا بايلانىستى شەكتەۋ شارالارىنا بايلانىستى 2019 جانە 2020 جىلدارعا رەزيدەنتتىك سەرتيفيكاتىن ۇسىنۋ مەرزىمى 2021 جىلعى 31 جەلتوقسانعا دەيىن ۇزارتىلدى. بۇل شەكتەۋ شارالارى كەزەڭىندە قوسارلانعان سالىق سالۋدى بولدىرماۋعا باعىتتالعان، ويتكەنى شەت ەلدەردە كارانتيندىك شارالاردى ەنگىزۋ سەبەبىنەن قۇجاتتاردى ۇسىنۋ قيىن.
وسىلايشا، قابىلدانعان شارالار ۋاقتىلى بولىپ تابىلادى، بيزنەس سۋبەكتىلەرىنىڭ اينالىم قاراجاتىن ۇلعايتۋعا جانە ولاردى باسقا وندىرىستىك شىعىستارعا باعىتتاۋعا، سالىق مىندەتتەمەلەرىن ورىنداۋدى جەڭىلدەتۋگە مۇمكىندىك بەرەدى.