46 سىنامانىڭ 36-سى «دەلتا» شتامى بولىپ شىقتى.
وڭتۇستىك استانادا مۋتاسيالانعان شتامداردى انىقتاۋ ءۇشىن 46 ۇلگى زەرتتەلدى. ناتيجەسىندە ءۇندى شتامىنىڭ ۇلەس سالماعى 78،3%-عا جەتكەنى انىقتالدى. بۇل تۋرالى الماتى قالاسىنىڭ مەملەكەتتىك باس سانيتارلىق دارىگەرى جانداربەك بەكشين ايتتى، دەپ حابارلادى Almaty-akshamy.kz.
«وتكەن تاۋلىكتە الماتى قالاسىندا مۋتاسيالانعان شتاممداردى انىقتاۋ ءۇشىن 46 ۇلگى زەرتتەلدى، ونىڭ 36-سىندا «دەلتا» شتامىنىڭ (ءۇندى) ۇلەس سالماعى 78،3%-دى، 8 ۇلگىدەگى «الفا» (بريتاندىق) شتامىنىڭ ۇلەس سالماعى 17،4%-دى قۇرادى، ياعني قوزدىرعىشتىڭ اۋىسۋى ورىن الۋدا»، - دەلىنگەن باسقارمانىڭ حابارلاماسىندا.