استانادا تاڭەرتەڭنەن بەرى اۋا-رايى كۇرت ناشارلاپ، قالىڭ قار جاۋىپ، جول قوزعالىسىن قيىنداتتى.
استانا پوليسيا دەپارتامەنتىنىڭ مالىمەتىنشە، بۇگىن تاڭنان بەرى 93 جول-كولىك وقيعاسى تىركەلگەن، - دەپ حابارلايدى Aqshamnews.kz.
جۇرگىزۋشىلەرگە جىلدامدىق رەجيمىن ساقتاۋ، قاشىقتىقتى ۇلعايتۋ، كەنەت مانيەۆر جاساماۋ جانە جاياۋ جۇرگىنشى وتكەلدەرى مەن باعدارشامدارىنا جاقىنداعاندا الدىن الا جىلدامدىقتى تومەندەتۋ ەسكەرتىلەدى.
سونىمەن قاتار، اۆتوكولىك جۇرگىزۋشىلەرىنە كولىكتىڭ تەحنيكالىق جاعدايىن باقىلاۋ جانە قىسقى شينالاردى قولدانۋ قاجەتتىگى ەسكە سالىنادى – ولار بولماعان جاعدايدا اكىمشىلىك جاۋاپكەرشىلىك قاراستىرىلعان.
"استانا پوليسياسى جول جاعدايىن باقىلاۋدى جالعاستىرىپ، مىنانى ەسكەرتەدى: جولداعى قاۋىپسىزدىك كوپ جاعدايدا ءارقايسىمىزعا بايلانىستى. ساق بولىڭىزدار، اۋا رايىنا بايلانىستى ساپار باعىتىن الدىن الا جوسپارلاڭىزدار جانە جول قوزعالىسى ەرەجەلەرىن ساقتاڭىزدار"، – دەلىنگەن حابارلامادا.