2026 جىلى پارلامەنتتى ۇستاۋعا 7،8 ملرد تەڭگە بولىنەدى، - دەپ حابارلايدى Aqshamnews.kz.
الداعى جىلدارى قازاقستاننىڭ ساياسي جۇيەسىندە ەلەۋلى وزگەرىستەر ورىن الۋى مۇمكىن. مەملەكەت باسشىسى قاسىم-جومارت توقايەۆ بيىلعى جولداۋىندا ءبىر پالاتالى پارلامەنت قۇرۋ باستاماسىن كوتەرىپ، بۇل ۇسىنىس قوعامدا قىزۋ تالقىعا ءتۇستى. پرەزيدەنتتىڭ ايتۋىنشا، مۇنداي رەفورما بيۋدجەت جۇكتەمەسىن ازايتىپ، زاڭ شىعارۋشى ورگاننىڭ جۇمىسىن وڭتايلاندىرۋعا مۇمكىندىك بەرەدى.
قارجى ۆيسە-مينيسترى ابزال بەيسەنبەك ۇلىنىڭ ايتۋىنشا، 2026 جىلى پارلامەنتتەگى دەپۋتاتتار مەن اكىمشىلىك قىزمەتكەرلەردىڭ ەڭبەكاقى قورىنا 7،8 ملرد تەڭگە ءبولىنۋى مۇمكىن.
«بۇل دەپۋتاتتاردى، سونداي-اق پارلامەنتتەگى ساياسي جانە اكىمشىلىك مەملەكەتتىك قىزمەتشىلەردى قامتاماسىز ەتۋگە ارنالعان. بۇل – ەڭبەكاقى تولەۋ قورى»، – دەدى ول.
كەيىنگى 10 جىلدا شىعىندار قالاي وزگەردى؟
Kursiv.media مالىمەتىنشە:
- 2015 جىلى ءبىر دەپۋتاتتى ۇستاۋعا شامامەن 70 ملن تەڭگە جۇمسالسا،
- 2024 جىلى بۇل سوما 195 ملن تەڭگەگە جەتكەن.
2024 جىلى پارلامەنتتىڭ جالپى شىعىنى – 29 ملرد تەڭگە.
ەسكە سالا كەتەيىك، بۇگىندە ماجىلىستە 98 دەپۋتات، سەناتتا 50 دەپۋتات جۇمىس ىستەيدى.