استانادا Digital Bridge 2025 حالىقارالىق تەحنولوگيالىق فورۋمى باستالدى. مەملەكەت باسشىسى قاسىم-جومارت توقايەۆ فورۋمنىڭ پلەنارلىق وتىرىسىندا cءوز سويلەدى، - دەپ حابارلايدى aqshamnews.kz ءتىلشىسى.
"وتىز جىلدان استام ۋاقىت بۇرىن قازاقستان بەيبىتشىلىك پەن قاۋىپسىزدىك جولىن تاڭداپ، يادرولىق قارۋدان ءوز ەركىمەن باس تارتتى. بۇگىندە ەلىمىز جاساندى ينتەللەكت بەيبىت ماقساتتا عانا قولدانىلۋعا ءتيىس دەپ باتىل تۇردە مالىمدەيدى. ونىڭ اسكەري سالادا، كيبەرشابۋىلدارعا جانە حالىقارالىق تۇراقتىلىققا قاتەر توندىرەتىن جوبالاردا پايدالانىلۋىنا جول بەرۋگە بولمايدى.
بۇۇ باس اسسامبلەياسىنىڭ تاياۋدا وتكەن سەسسياسىندا مەن قازاقستاننىڭ ۇيىم اياسىندا جاساندى ينتەللەكتىنى باسقارۋ جونىندەگى جاھاندىق ديالوگ جۇمىسىنا اتسالىسۋعا دايىن ەكەنىن راستادىم. ءبىز سەرىكتەستەرىمىزدىڭ باستامالارىن، سونىڭ ىشىندە قىتايدىڭ جي سالاسىنداعى جاھاندىق ىنتىماقتاستىق ۇيىمىن قۇرۋ تۋرالى ۇسىنىسىن قولدايمىز.
مەن بيىل حالىققا جولداۋىمدى سيفرلاندىرۋ جانە جاساندى ينتەللەكت ماسەلەسىنە ارنادىم. ءبىز الدىمىزعا ناقتى ماقسات قويدىق: قازاقستان ءۇش جىل ىشىندە ناعىز سيفرلىق ەل بولۋى كەرەك. بۇل – وتە اۋقىمدى مىندەت. سوندىقتان ءبىز ءقازىر ەلىمىزدىڭ ءبىرتۇتاس سيفرلىق ەكوجۇيەسىن قۇرۋ ىسىمەن بەلسەندى تۇردە اينالىسىپ جاتىرمىز"، - دەدى توقايەۆ.