قارجى مونيتورينگى اگەنتتىگىنىڭ بلوكچەين-تەكسەرۋى ناتيجەسىندە ەسىرتكى ساۋداسى مەن ينتەرنەت-الاياقتىقتان تۇسكەن قىلمىستىق كىرىستەردى سيفرلىق ۆاليۋتا ارقىلى جىلىستاتقان ءىرى كريپتوايىرباستاۋ سەرۆيسى انىقتالىپ، قىزمەتى تولىق توقتاتىلدى، - دەپ حابارلايدى اqshamnews.kz ءتىلشىسى.
قىزمەتكە تيەسىلى 67 ءاميان بۇعاتتالىپ، 9،7 ملن USDT (شامامەن 5،2 ملرد تەڭگە) كولەمىندەگى اكتيۆ ۋاقىتشا توقتاتىلدى.
اگەنتتىكتىڭ بلوكچەين-مونيتورينگى بارىسىندا انىقتالعان سەرۆيس Darknet–ءتىڭ 20 ءىرى نارىعىمەن، سونىڭ ىشىندە بەدەلدى 5 ميلليوننان استام قولدانۋشىسى بار پلاتفورمالارمەن بايلانىستا بولعان.
كەيىنگى ءۇش جىلدا بۇلسەرۆيس ارقىلى تمد ەلدەرىندەگى (قازاقستان، رەسەي، ۋكراينا، مولدوۆا) 200-دەن استام ەسىرتكى دۇكەنىنىڭ زاڭسىز كىرىستەرى جىلىستالعانى انىقتالدى.
پلاتفورمانىڭ جالپى اينالىمى 224 ملن اقش دوللارىنان استى.
تەرگەۋ بارىسىندا 4 000-نان استام كريپتوۆاليۋتا ءاميانى تەكسەرىلدى؛ زەرتتەۋ ناتيجەسىندە قىلمىستىق كىرىستەر ساقتالعان ءامياندار انىقتالدى.
قولعا الىنعان شارالار ناتيجەسىندە 67 ءاميان بۇعاتتالىپ، 9،7 ملن USDT (5،2 ملرد تەڭگە) سيفرلىق اكتيۆتەر ۋاقىتشا توقتاتىلدى.
سەرۆيس تولىقتاي ءوز قىزمەتىن توقتاتتى: الەۋمەتتىك جەلىدەگى اككاۋنتتارى جويىلدى، كليەنتتەرگە قىزمەت كورسەتۋى توقتاتىلدى.
Darknet-تەگى مامانداندىرىلعان فورۋمداردا ەسىرتكى دۇكەندەرى تاراپىنان قارجىلىق مىندەتتەمەلەردىڭ ورىندالماۋىنا بايلانىستى جاپپاي شاعىمدار تىركەلىپ جاتىر.
تەرگەۋ جانە سالدارى
قىزمەت ۇيىمداستىرۋشىلارىن انىقتاۋ بويىنشا بەلسەندى تەرگەۋ جۇرگىزىلى جاتىر.
قابىلدانعان شارالار ەسىرتكى بيزنەسىنىڭ كولەڭكەلى ينفراقۇرىلىمىنا ەلەۋلى ەكونوميكالىق سوققى بەردى: جەتكىزۋ تىزبەكتەرىنىڭ لوگيستيكاسى بۇزىلىپ، نارىق اينالىمى ازايدى جانە تۇتىنۋشىلاردىڭ زاڭسىز پلاتفورمالارعا دەگەن سەنىمى تومەندەدى.
اگەنتتىك سيفرلىق قۇرالداردى پايدالانۋ ارقىلى قىلمىستىق كىرىستەردى جىلىستاتۋ سحەمالارىن توقتاتۋ جۇمىستارىن ودان ءارى جالعاستىراتىنىن حابارلادى.