مەملەكەت باسشىسى قاسىم-جومارت توقايەۆ Digital Bridge 2025 حالىقارالىق تەحنولوگيالىق فورۋمىنىڭ اتاۋىن وزگەرتۋدى ۇسىندى، - دەپ حابارلايدى aqshamnews.kz ءتىلشىسى.
"ءقازىر الەم جۇرتشىلىعىنىڭ الدىندا جاساندى ينتەللەكتىنىڭ بولاشاعىنا قاتىستى ءتۇرلى تاڭداۋ تۇر. ونىڭ كەيبىرى شەكسىز مۇمكىندىكتەرگە جول اشادى. ال ەندى ءبىرى ۇلكەن سىن-قاتەرلەرگە دۋشار ەتۋى مۇمكىن. دەگەنمەن ءبىر نارسە انىق – كەلەشەگىمىزدىڭ قانداي بولارى ءبىزدىڭ بىرلەسىپ ارەكەت ەتە بىلۋىمىزگە بايلانىستى.
جاساندى ينتەللەكت – قازىرگى زاماننىڭ اقيقاتى. الداعى جىلدارى دا ادامزات دامۋىنىڭ نەگىزگى باعدارى جاساندى ينتەللەكتىگە تىكەلەي بايلانىستى بولاتىنى انىق. سوندىقتان كەلەسى جىلدان باستاپ فورۋمدى AI Bridge دەپ اتاعان ءجون دەپ سانايمىن. ءبىراق فورۋمنىڭ ماقسات-مىندەتى وزگەرمەيدى. وسى بىرەگەي الاڭ تەحنولوگيا سالاسىنداعى الپاۋىتتار مەن ءتۇرلى ستارتاپتار، بيزنەس پەن عىلىم، مەملەكەت پەن ازاماتتار اراسىنداعى دانەكەر بولىپ قالا بەرەدى.
فورۋمنىڭ جاڭا باعدارى حالىقارالىق ىنتىماقتاستىققا تىڭ سەرپىن بەرىپ، جاساندى ينتەللەكتىنى حالقىمىزدىڭ يگىلىگى جولىندا ءتيىمدى پايدالانۋعا سەپتىگىن تيگىزەدى"، - دەدى توقايەۆ.