مەملەكەت باسشىسى ءباا جاساندى ينتەللەكت ماسەلەلەرى جونىندەگى مەملەكەتتىك مينيسترىمەن جانە ابۋ دابي دەنساۋلىق ساقتاۋ دەپارتامەنتىنىڭ توراعاسىمەن كەزدەسۋ وتكىزدى، - دەپ حابارلايدى اqshamnews.kz ءتىلشىسى.
Digital Bridge 2025 حالىقارالىق فورۋمى الاڭىندا قاسىم-جومارت توقايەۆ بىرىككەن اراب امىرلىكتەرىنىڭ جاساندى ينتەللەكت، سيفرلىق ەكونوميكا جانە قاشىقتان جۇمىس ىستەۋ ماسەلەلەرى جونىندەگى مەملەكەتتىك ءمينيسترى ومار ال-ولامامەن جانە ابۋ دابي دەنساۋلىق ساقتاۋ دەپارتامەنتىنىڭ ءتوراعاسى، G42 International كومپانياسىنىڭ باس ديرەكتورى مانسۋر يبراگيم ال-مانسۋريمەن كەزدەستى.
اڭگىمەلەسۋدە قازاقستان مەن امىرلىكتەر اراسىندا جاساندى ينتەللەكت سالاسىنداعى ىنتىماقتاستىقتى كەڭەيتۋ پەرسپەكتيۆاسى قاراستىرىلدى.
مەملەكەت باسشىسى ءباا جاساندى ينتەللەكت تەحنولوگيالارىن قولدانۋ جانە دامىتۋ ىسىندە الەمدىك كوشباسشى سانالاتىنىن ايتتى. سونىمەن قاتار بىرلەسكەن كۇش-جىگەردىڭ ارقاسىندا ءىت سەكتورىندا ءبىرقاتار ماڭىزدى جوبالار ىسكە اسىرىلعانىنا توقتالىپ، ارىپتەستىكتى ودان ءارى نىعايتۋعا نيەت تانىتتى.
قاسىم-جومارت توقايەۆ ەلىمىزدە جاساندى ينتەللەكتىگە ماماندانعان ءارى عىلىمي زەرتتەۋ مەن ازىرلەمەلەرگە باسىمدىق بەرەتىن ۋنيۆەرسيتەت اشۋ جوسپارىمەن ءبولىستى. وسى ورايدا الەمدەگى العاشقى ءىت ۋنيۆەرسيتەتتى قۇرعان ءباا تاجىريبەسىن زەردەلەۋدىڭ وزەكتى ەكەنىن جەتكىزدى.
كەزدەسۋدە Smart City بىرلەسكەن جوباسىنا ەرەكشە ءمان بەرىلدى. بۇگىندە بۇل جۇمىس بەكىتىلگەن جوسپارعا سايكەس جۇرگىزىلىپ جاتىر.
پرەزيدەنتتىڭ ايتۋىنشا، اتالعان جوبا ەكىجاقتى سەرىكتەستىكتى دامىتۋدىڭ ماڭىزدى كەزەڭىنە جول اشادى.