الماتىدا دەنساۋلىق ساقتاۋ ماسەلەلەرى جونىندە ۇيلەستىرۋ كەڭەسىنىڭ وتىرىسى ءوتتى، - دەپ حابارلايدى اqshamnews.kz ءتىلشىسى.
دەنساۋلىق ساقتاۋ نىساندارىن قامتاماسىز ەتۋ جانە مەديسينالىق قىزمەت كورسەتۋدى مونيتورينگتەۋ – باسىم باعىتتاردىڭ ءبىرى.
جىل سايىن مەديسينالىق قىزمەتتەردىڭ ساپاسىنا، دارى-دارمەكتەرگە جانە زاماناۋي دياگنوستيكالىق جابدىقتارعا سۇرانىس ارتىپ كەلەدى.
الماتى قالاسىنىڭ پروكۋرورى سەرىك قارىپبەكوۆتىڭ توراعالىعىمەن مەملەكەتتىك جانە قۇقىق قورعاۋ ورگاندارىنىڭ ءبىرىنشى باسشىلارى، سونداي-اق قالانىڭ دەنساۋلىق ساقتاۋ جۇيەسىنىڭ جەتەكشىلەرىنىڭ قاتىسۋىمەن ۇيلەستىرۋ كەڭەسىنىڭ وتىرىسى ءوتتى.
كۇن تارتىبىندە قوعامدىق دەنساۋلىق ساقتاۋ باسقارماسى مەن الەۋمەتتىك مەديسينالىق ساقتاندىرۋ قورىنىڭ الماتى قالالىق فيليالىنىڭ قىزمەتىنە جۇرگىزىلگەن تەكسەرىستىڭ ناتيجەلەرى قارالدى.
قالاداعى دەنساۋلىق ساقتاۋ ۇيىمدارىن دامىتۋ مەن جۇمىس ىستەۋىنە بولىنگەن بيۋدجەت قاراجاتتارىن جوسپارلاۋ، ءبولۋ جانە پايدالانۋ كەزىندە زاڭنامانىڭ كوپتەگەن بۇزۋشىلىقتارى انىقتالدى.
ۇيلەستىرۋ كەڭەسىنىڭ قورىتىندىسى بويىنشا دەنساۋلىق ساقتاۋ جۇيەسىنىڭ جۇمىسىن كۇشەيتۋگە باعىتتالعان ءبىرقاتار بىرلەسكەن شەشىمدەر قابىلداندى.