«تازا قازاقستان» رەسپۋبليكالىق ەكواكسياسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا مەگاپوليستە كوشە ينفراقۇرىلىمىن رەتكە كەلتىرۋ بويىنشا ۇلكەن جۇمىس جۇرگىزىلدى.
ناۋقان باستالعالى بەرى جولايىرىقتار مەن كوپىرلەردىڭ قورشاۋلارى، 1765 ايالداما كەشەندەرىن جۋۋ، 134 جەر استى جانە جەر ءۇستى جاياۋ جۇرگىنشىلەر وتكەلدەرىن تازالاۋ جۇمىستارى جۇرگىزىلدى.
قالادا 10 مىڭعا جۋىق جول بەلگىسى ورناتىلعان باعانا، اركالار، كونسولدەر، شكافتاردى قوسقاندا، 470-تەن استام باعدارشام نىساندارى جۋىلىپ، بويالعان.
15 مىڭعا جۋىق ورىندىق، 25 مىڭ قوقىس جاشىگى جۋىلىپ، بويالدى، 1 485 كونتەينەرلىك الاڭ دەزينفەكسيالانىپ، جۋىلدى. جەرگىلىكتى قوعامداستىقتارمەن بىرلەسىپ 5 567 اۋلا اۋماعىن تازارتىلدى.
سونىمەن قاتار، دوستىق، بايتۇرسىنوۆ، گاگارين، رايىمبەك، ساتبايەۆ، بۇقار جىراۋ، تيميريازيەۆ، رىسقۇلوۆ، مومىش ۇلى سياقتى ماگيسترالدىق جانە اۋداندىق كوشەلەردە 41 000 شارشى مەتردەن استام اسفالتبەتون جابىنى بار جولدار اعىمداعى جوندەۋدەن ءوتتى.
«الماتى – ءبىزدىڭ ورتاق ءۇيىمىز» ناۋقانى تۋرالى تولىق اقپارات اlmaty.kz سايتىندا جانە الماتى اكىمدىگىنىڭ الەۋمەتتىك جەلىلەرىندە پاراقشاسىندا جازىلعان.