گرۋزيا قازاقستانعا ءزايتۇن كوشەتتەرىن جىبەردى. ەلىمىز ءزايتۇن حابىن قۇرىپ، ەكسپورتتاۋشىعا اينالماق.
ءزايتۇن ساباعىن تيەگەن جۇك كولىگى قازاقستانعا 4 كۇننەن كەيىن كەلەدى، دەپ حابارلايدى Almaty-akshamy.kz
گرۋزين ماماندارى قازاقستاننىڭ وڭتۇستىگى مەن وڭتۇستىك-باتىسىنداعى كليمات ءزايتۇن وسىرۋگە قولايلى دەپ سەنەدى. بىلتىر ينۆەستورلار قازاق ەلىنىڭ 3 ايماعىندا ءزايتۇن كوشەتىن ەككەن. بۇل جولى كوشەتتىڭ جاڭا پارتياسى تۇركىستان مەن ماڭعىستاۋ وبلىستارىنا جەتكىزىلدى.
قازاقستاندىقتار قازان ايىندا ءوز جەرىندە وسكەن ءزايتۇن جەمىسىن جەي باستاۋى مۇمكىن.
"قازاقستانعا ءوسىپ تۇرعانىنا 150 جىل بولعان اعاشتاردان الىنعان – 10 ءتۇپ، 50 جىلدىق – 12، 30 جىلدىق – 15 ءتۇپ كوشەت جىبەردىك. قالعان 3 جارىم اعاشقا 5 جىل عانا بولعان. ولار بيىل ءونىم بەرەدى"، - دەيدى كومپانيا مەنەدجەرى الەكساندر چاحناشۆيلي.
بەيبىتشىلىك سيمۆولى – ءزايتۇن ساباعىن تيەگەن جۇك كولىگى قازاقستاندا 4 كۇننەن كەيىن بولۋى كەرەك. الداعى ۋاقىتتا ءبىزدىڭ ەلدە ءزايتۇن وڭدەيتىن زاۋىت پايدالانۋعا بەرىلمەك. ۇكىمەت ءزايتۇن ەكسپورتى ءۇشىن قاجەت حالىقارالىق سەرتيفيكات الۋدى جوسپارلاپ وتىر.
گرۋزيادا 1 ملن 200 مىڭنان استام ءزايتۇن وسىمدىگى بار. گرۋزين مايى پرەميۋم كلاسقا جاتادى جانە گرەكيا، يتاليا مەن يسپانيادان كەيىن الەمدەگى ۇزدىك تورتىككە كىرەدى.