دەنساۋلىق ساقتاۋ مينيسترلىگى ەل اۋماعىنداعى اينالىمداعى بيولوگيالىق بەلسەندى قوسپالاردىڭ (ببق) ساپاسى مەن قاۋىپسىزدىگىنە باقىلاۋدى كۇشەيتتى، دەپ حابارلايدى aqshamnews.kz.
قولدانىستاعى زاڭناماعا سايكەس قازاقستاندا ببق-نى ساتۋعا ءونىمنىڭ كەدەن وداعىنىڭ تەحنيكالىق رەگلامەنتتەرىنىڭ تالاپتارىنا سايكەستىگىن راستايتىن مەملەكەتتىك تىركەۋدەن وتكەننەن كەيىن جانە ەۋرازيالىق ەكونوميكالىق وداق كۋالىكتەرىنىڭ ءبىرىڭعاي تىزىلىمىنە ەنگىزىلگەننەن كەيىن عانا جول بەرىلەدى.
تىركەۋ ءراسىمىن دسم سانيتاريالىق-ەپيدەميولوگيالىق باقىلاۋ كوميتەتى قازاق تاعامتانۋ اكادەمياسىنىڭ جانە ەاەو ەلدەرىنىڭ باسقا دا عىلىمي-زەرتتەۋ ينستيتۋتتارىنىڭ ساراپتامالىق قورىتىندىلارىنىڭ نەگىزىندە جۇزەگە اسىرادى.
ساتۋعا رۇقسات بەرمەس بۇرىن بارلىق ببق-لار مىنالارعا سايكەستىككە مىندەتتى زەرتحانالىق زەرتتەۋلەردەن وتەدى:
* ميكروبيولوگيالىق، توكسيكولوگيالىق جانە فيزيكا-حيميالىق كورسەتىلىمدەر؛
* دارۋمەندەر مەن بيواكتيۆتى زاتتاردىڭ بەلگىلەنگەن نورمالارى؛
* تىيىم سالىنعان كومپونەنتتەردىڭ — ۋلى وسىمدىكتەردىڭ، جانۋارلاردان الىناتىن وڭدەلگەن ونىمدەردىڭ، پاتوگەندىك ميكروورگانيزمدەر مەن ساڭىراۋقۇلاقتاردىڭ بولماۋى جونىندەگى تالاپتار.
جاڭا باقىلاۋ شارالارى: 2024 جىلدان باستاپ ەلىمىزدە اقپاراتتىڭ دۇرىستىعى مەن مەملەكەتتىك تىركەۋدىڭ بولۋى تۇرعىسىنان ب ا ق پەن الەۋمەتتىك جەلىلەردەگى ببق جارناماسىنا مونيتورينگ ەنگىزىلدى.
2025 جىلدان باستاپ ببق-نى سايكەستەندىرۋ قۇرالدارىمەن تاڭبالاۋ بويىنشا پيلوتتىق جوبا ىسكە اسىرىلۋدا، ول مىنالاردى قامتاماسىز ەتەدى:
* بۇكىل جەتكىزۋ تىزبەگىنىڭ اشىقتىعى،
* ءونىمنىڭ سوڭعى تۇتىنۋشىعا دەيىن باقىلانۋى،
* حالىقتىڭ سەنىمىن ارتتىرۋ.
ببق-لاردى ساتۋعا تىيىم سالىنادى، ەگەر:
* مەملەكەتتىك تىركەۋ جوق،
* جارامدىلىق مەرزىمى اياقتالعان،
* ساقتاۋ شارتتارى بۇزىلعان،
* قاپتامادا قۇرامى، قارسى كورسەتىلىمدەرى جانە ءوندىرۋشىسى تۋرالى مىندەتتى اقپارات جوق بولسا.
قازاقستان دەنساۋلىق ساقتاۋ مينيسترلىگى تۇتىنۋشىلاردىڭ نازارىن اۋدارادى: بيولوگيالىق بەلسەندى قوسپالاردى قولدانار الدىندا دارىگەرمەن كەڭەسۋ كەرەك.
ببق-لاردى باقىلاۋسىز قابىلداۋ، اسىرەسە سوزىلمالى اۋرۋلارى بار ادامداردا، جۇكتى ايەلدەر مەن بالالاردا اسقىنۋلارعا اكەلۋى مۇمكىن.
ببق-لاردى ساتىپ العاندا، مىندەتتى تۇردە مىنالاردى تەكسەرىڭىز:
* قازاقستاندا تىركەۋ كۋالىگىنىڭ بولۋى؛
* ءونىمنىڭ تولىق قۇرامى («تابيعي كومپونەنتتەر» سياقتى تۇسىنىكسىز تۇجىرىمدارسىز)؛
* ءوندىرۋشى جانە وندىرەتىن ەل؛
* جارامدىلىق مەرزىمى جانە ساقتاۋ شارتتارى؛
* دۇرىس جانە تولىق تاڭبالاۋ (قولدانۋ ءتاسىلى، قارسى كورسەتىلىمدەر، ساقتىق شارالارى).
دەنساۋلىق ساقتاۋ مينيسترلىگى ازاماتتاردىڭ دەنساۋلىعىن ساقتاۋ ماقساتىندا بيولوگيالىق بەلسەندى قوسپالار اينالىمى سالاسىنداعى اشىقتىق پەن قاۋىپسىزدىكتى قامتاماسىز ەتۋ جونىندەگى جۇمىستى جالعاستىرادى.