بيلياردتان شەرحان مۇرتازانى ەسكە الۋعا ارنالعان تۋرنير وتكىزىلەدى

سايىس ب ا ق وكىلدەرى اراسىندا بولماق.

الماتى قالاسىنىڭ وڭىرلىك كوممۋنيكاسيالار قىزمەتى ب ا ق وكىلدەرى اراسىندا بيلياردتان حالىق جازۋشىسى، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى، قوعام قايراتكەرى شەرحان مۇرتازانى ەسكە الۋعا ارنالعان تۋرنير وتكىزىلەتىنىن ايتتى، دەپ حابارلايدى Almaty-akshamy.kz

«رەسپۋبليكالىق جانە قالالىق ب ا ق كوماندالارىن تۋرنيرگە قاتىسۋعا شاقىرامىز. تۋرنير اعىمداعى جىلدىڭ 24 قىركۇيەگىندە وتەدى. جارىستار حالىقارالىق پيراميدا كوميتەتىنىڭ قولدانىستاعى ەرەجەلەرىنە سايكەس «ديناميكالىق پيراميدا» («نيەۆسكايا» دەپ اتالاتىن) قاعيداتى بويىنشا وتكىزىلەدى. بۇقارالىق اقپارات قۇرالدارىن ۇسىناتىن توپ ەكى ويىنشىدان تۇرۋى كەرەك. كوماندانىڭ اتى جاريالانىمنىڭ اتاۋىنا سايكەس كەلۋى كەرەك»، - دەلىنگەن.

بەتپە-بەت جەكپە-جەك وتكىزۋ جۇيەسىن تورەشىلەر القاسى مالىمدەلگەن كوماندالاردىڭ سانى بويىنشا ايقىندايتىن بولادى.

تۋرنير قورىتىندىسى بويىنشا 1، 2، 3 ورىندار ءۇشىن ديپلومدار مەن كۋبوكتار بەرىلەدى.

تۋرنيرگە قاتىسۋعا ءوتىنىمدى ا. ج. 23 قىركۇيەگىنە دەيىن كەلەسى ەلەكتروندى مەكەنجايعا جولداۋ قاجەت: Tolkinalmaty@mail.ru نەمەسە +7 701 723 3799 تەلەفون ءنومىرى ارقىلى تىركەلۋگە بولادى.

ءىس-شارانىڭ وتەتىن ورنى: «باستاۋ» بيليارد ورتالىعى، شاگابۋتدينوۆ كوشەسى، 109ا

وتكىزىلەتىن ۋاقىتى: ساعات 11.00.

انىقتاما تەلەفونى:+7 701 723 3799 (تولقىن)