الەم بويىنشا كەڭ تارالعان سۇيەكتى اۋىستىرۋ تاجىريبەسى ءبىزدىڭ ەلىمىزدە دە جولعا قويىلعان.
تۇركىستاندا وتكەن حالىقارالىق عىلىمي كونفەرەنسيادا تراۆماتولوگتار مەن ورتوپەد ماماندار ءوزارا تاجىبيە الماسىپ، جەتىستىكتەرىن تانىستىردى. ەكى كۇنگە جوسپارلانعان شاراعا الەمنىڭ 15 ەلىنەن 250-گە جۋىق بىلىكتى دارىگەر قاتىستى، دەپ حابارلايدى Almaty-akshamy.kz.
باسقوسۋدا ۇلىبريتانيا، رەسەي، تۇركيا، گەرمانيا مەن قىتايدان كەلگەن تراۆماتولوگتار سوڭعى جەتىستىگى مەن مۇمكىندىكتەرىن تانىستىردى. كەي ەلدەردىڭ عالىمدارى ونلاين رەجيمدە قاتىسىپ، وي ءبولىستى. شارا اياسىندا كورمە ۇيىمداستىرىلىپ، وزىق مەديسينالىق تەحنولوگيالار كوپشىلىك نازارىنا ۇسىنىلدى.
«قازاقستاندىق ارىپتەستەرىمىزگە تراۆماتولوگيا جانە ورتوپەد جاڭا تەحنولوگيالاردى الىپ كەلىپ، كورسەتىپ، بۇكىل دۇنيە جۇزىندە قانداي جاڭا تەحنولوگيالار بولىپ جاتقانىن وسى جەرگە كەلىپ، ەستىپ ،ەنگىزىپ جاتىرمىز. ونىڭ بارلىعىنىڭ ءبىزدىڭ ناۋقاستارىمىزعا پايداسى بار»، - دەدى ق ر ۇلتتىق عىلىمي تراۆماتولوگيا جانە ورتوپەديا ورتالىعىنىڭ ديرەكتورى ولجاس بەكارىسوۆ.