كىسى ولتىرگەنى ءۇشىن 20 جىل بويى جاسىرىنىپ جۇرگەن رەسەيلىك قىلمىسكەر پاۆلوداردا ۇستالدى، دەپ حابارلايدى Almaty-akshamy.kz Polisia.kz. سىلتەمە جاساپ.
25 قىركۇيەكتەن 1 قازانعا دەيىن پاۆلودار وبلىسىنىڭ اۋماعىندا ەلدەن تىس جەردە جاسىرىنىپ جۇرگەن قىلمىسكەرلەردى ىزدەستىرۋدىڭ تيىمدىلىگىن ارتتىرۋعا باعىتتالعان “ىزدەستىرۋ” جەدەل الدىن الۋ ءىس-شاراسى وتكىزىلەدى.
– پاۆلودار وبلىسىنىڭ جەدەل قىزمەتكەرلەرى اۋىر قىلمىس جاساعانى ءۇشىن ىزدەۋدە جۇرگەن 5 قىلمىسكەردى ۇستادى. بۇرىن حابار-وشارسىز كەتكەن ەكى ادامنىڭ مەكەنجايى انىقتالدى. مىسالى، پاۆلودار قالاسىندا پوليسيا قىزمەتكەرلەرى رەسەي فەدەراسياسىنىڭ پەرم قالاسىندا كىسى ولتىرگەنى ءۇشىن ايىپتالعان 46 جاستاعى قاشقىن قىلمىسكەردى ۇستادى. انىقتالعانداي، 2001 جىلى ەر ادام قىزدى ءولتىرىپ، قىلمىس جاساعاننان كەيىن پاۆلودار قالاسىنا كەلگەن. ەر ادام ايلاكەر بولىپ شىقتى، بەلگىلى بولعانداي، ول فاميلياداعى ءبىر ءارىپتى ادەيى وزگەرتتى. قازىرگى ۋاقىتتا ول قاماۋدا وتىر، – دەدى پاۆلودار وبلىسى پوليسيا دەپارتامەنتى باستىعىنىڭ ورىنباسارى ەلدار ابدىكەنوۆ.
سونىمەن قاتار، قىرعىزستاندا جازاسىن وتەۋدەن 19 جىل جالتارعان قىرعىزستان رەسپۋبليكاسىنىڭ 52 جاستاعى ازاماتىنىڭ تۇراتىن جەرى انىقتالدى. ونىڭ ۇستالعانى تۋرالى ىزدەستىرۋ باستاماشىسىنا حابارلاندى. سونداي-اق، جەدەل ىزدەستىرۋ ءىس-شارالارىن جۇرگىزۋ جانە كريمينالدىق پوليسيا قىزمەتكەرلەرىنىڭ ءوزارا ءىس-قيمىلى بارىسىندا قاراعاندى وبلىسىنداعى ارىپتەستەرىمەن بىرگە جەزقازعان قالاسىندا پاۆلودارداعى توناۋعا قاتىستى كۇدىكتى دەپ تانىلعان 25 جاستاعى پاۆلودارلىق ۇستالدى. “قاشقىن” جەزقازعان قالاسىنىڭ ۋۇي-نە قامالدى.
– قىلمىستىق قىلمىسكەرلەردى ىزدەۋ – كريمينالدىق پوليسيا قىزمەتكەرلەرىنىڭ ماڭىزدى مىندەتتەرىنىڭ ءبىرى. زاڭدى بۇزعان ادامدار جازادان اۋلاق بولۋ ءۇشىن قاشا باستايدى. الايدا، ولار سوت تورەلىگىنەن قۇتىلا المايدى، ەرتە مە، كەش پە، ءوز ارەكەتتەرى ءۇشىن جاۋاپ بەرەدى، – دەپ اتاپ ءوتتى ەلدار ابدىكەنوۆ.
ايتا كەتەيىك، جىل باسىنان بەرى پاۆلودار وبلىسىنىڭ پوليسەيلەرى سوت پەن تەرگەۋدەن جاسىرىنىپ جۇرگەن 74 قىلمىستىق قىلمىسكەردى ۇستادى. كريمينالدىق پوليسيانىڭ سوت تورەلىگى ورگاندارىنان جاسىرىنعان جانە حابار-وشارسىز كەتكەن ادامداردى ىزدەستىرۋ جونىندەگى جۇمىسى تۇراقتى نەگىزدە جۇرگىزىلەدى.