ەنەرگەتيكا ءمينيسترى الماسادام ساتقالييەۆ مالىمدەۋىنشە قازاقستاندا بەنزين، ديزەل جانە سۇيىتىلعان گاز باعاسى كەزەڭ-كەزەڭىمەن وسەتىن بولدى، دەپ حابارلايدى aqshamnews.kz
– «بۇعان دەيىن پرەزيدەنت جانىنداعى كەڭەستە ءتيىستى شەشىم قابىلداندى. باعانىڭ ءوسۋى تەك جانار-جاعارمايعا عانا ەمەس، سۇيىتىلعان مۇناي گازى مەن تاۋارلىق گازعا دا قاتىستى. ءبىراق ۇكىمەت بۇل پروسەستى باقىلاۋدا ۇستايدى، باعانىڭ كۇرت شارىقتاۋىنا جول بەرىلمەيدى»، – دەدى مينيستر.
ونىڭ ايتۋىنشا، ۇكىمەت نورماتيۆتىك جانە اكىمشىلىك قۇرالداردى پايدالانا وتىرىپ، باعانىڭ تۇراقتى ءوسۋىن قامتاماسىز ەتەدى. ياعني، جانار-جاعارماي باعاسى نارىقتىق فاكتورلارعا سايكەس رەتتەلىپ، حالىق ءۇشىن اۋىر سالدارى بولمايتىنداي تۇردە كوتەرىلەدى.
بۇل وزگەرىستەر وتىن نارىعىن تۇراقتاندىرۋ جانە ىشكى سۇرانىستى ءتيىمدى رەتتەۋ ماقساتىندا جۇزەگە اسىرىلۋدا.