الەۋمەتتىك جەلىلەردە الماتىلىق جاسوسپىرىمدەردىڭ كوشە بويىمەن ءوتىپ بارا جاتقان قوعامدىق كولىكتەرگە قار لاقتىرعان ءساتى تۇسىرىلگەن ۆيدەو جاريالاندى. پوليسيا قىزمەتكەرلەرى بۇزاقىلاردىڭ جەكە باسىن انىقتاۋعا تىرىسىپ جاتىر، دەپ حابارلايدى aqshamnews.kz
وقيعا تولە بي مەن اۋەزوۆ كوشەلەرىنىڭ قيىلىسىندا ورىن العان. جىگىتتەر ءاربىر وتكەن اۆتوبۋسقا قار لاقتىرىپ، نىساناعا ءدال تيگىزۋگە تىرىستى. ءبىر ساتتە، ءتىپتى، قار لاقتىرماقشى بولعان ءجاسوسپىرىمنىڭ ءبىرى تەلەفونىن جەرگە ءتۇسىرىپ الدى.
بۇل ارەكەت جىگىتتەر ءۇشىن كوڭىلدى ويىن بولعانىمەن، كۋاگەرلەر بالالاردىڭ بۇل ارەكەتىن كامەراعا ءتۇسىرىپ، قارسىلىق ءبىلدىردى.
جەرگىلىكتى پوليسيا قىزمەتى قازىرگى ۋاقىتتا تەكسەرۋ جۇمىستارىن جۇرگىزىپ جاتىر. جاسوسپىرىمدەردىڭ جەكە باسى انىقتالعاننان كەيىن قازاقستان رەسپۋبليكاسىنىڭ زاڭناماسىنا سايكەس شارالار قولدانىلاتىنى حابارلاندى.