قازاقستاننىڭ حالىق جازۋشىسى، تانىمال دراماتۋرگ جانە دارىندى سازگەر يسرايل ساپارباي 85 جاسىنا قاراعان شاعىندا دۇنيەدەن ءوتتى، دەپ حابارلايدى aqshamnews.kz.
بۇل تۋرالى جازۋشىلار وداعىنىڭ ءتوراعاسىنىڭ ورىنباسارى قاسىمحان بەگمانوۆ ءوزىنىڭ Facebook پاراقشاسىندا جازدى.
"بۇگىن تاڭنان سۋىق حابار كەلدى. تاڭعى ساعات ءتورت شاماسىندا قازاقستاننىڭ حالىق جازۋشىسى، تاۋەلسىز «پلاتينالى تارلان» سىيلىعىنىڭ لاۋرەاتى، بەلگىلى اقىن، دراماتۋرگ، سازگەر يسرايل ساپارباي اعامىز 85 جاسىندا دۇنيەدەن وزدى. ۇلى اقىننىڭ قاسكەلەڭدەگى ۇيىندە، وتباسىنىڭ قاسىندا اۋىر ناۋقاستان قايتقانى تۋرالى حاباردى ونىڭ ۇلى نۇرلان يسرايل ۇلى جەتكىزدى"، - دەپ جازدى قاسىمحان بەگمانوۆ.
يسرايل ساپارباي قازاق ادەبيەتىندە وزىندىك ورنى بار ليريك اقىن بولىپ، ارتىندا سۇلۋ سازدى اندەر، پوەزيانىڭ التىن قورىنا ەنگەن ولەڭدەر جانە ۇلكەن اۋديتوريا تاپقان پەسالار قالدىردى.