قوسالقى شارۋاشىلىقتار، وتباسىلىق ومارتالار، ءۇي ناۋبايحانالارى. الماتىداعى «دەمالىس كۇنى» جارمەڭكەلەرىندە كىمدەر ۇسىنىس جاسايدى
الماتى مەن الماتى وبلىسىنىڭ ماڭىنداعى 320 اۋىل شارۋاشىلىعى وندىرۋشىلەرى مەگاپوليستەگى «دەمالىس كۇنى» جارمەڭكەلەرىنە قاتىسۋدا.
كارتوپ، قىرىققابات، پياز، ءسابىز، الما جانە المۇرت سياقتى كوكونىستەر مەن جەمىستەردى 80 قاتىسۋشى ۇسىنادى.
ەت ونىمدەرىن - قوي، سيىر جانە جىلقى ەتىن -الماتى وبلىسىنىڭ قاراساي، ىلە، تالعار جانە جامبىل اۋداندارىنان 65 شارۋا قوجالىعى جەتكىزىپ وتىر.
64 ءوندىرۋشى جەرگىلىكتى قۇس فابريكالارى مەن جەكە شارۋاشىلىقتاردان تاۋىق ەتى مەن جۇمىرتقا ۇسىنۋدا.
52 جەتكىزۋشى ءسۇت، قايماق جانە ىرىمشىكتەردى قوسا ءسۇت ونىمدەرىن ساتۋدا.
16 وتباسىلىق ومارتا ارا شارۋاشىلىعىنىڭ تابيعي ونىمدەرىن ۇسىنادى-بال، بالاۋىز، پروپوليس جانە باسقالارى.
سونىمەن قاتار، 16 شاعىن كاسىپورىن شۇجىق ونىمدەرىنىڭ اسسورتيمەنتىن ۇسىنادى، 10 قاتىسۋشى كەپتىرىلگەن جەمىستەردى ساتادى، 17 فەرمەر مەن ءۇي ناۋبايحانالارى كونديتەرلىك ونىمدەر مەن تاتتىلەردى ساتادى.
جارمەڭكەلەردە بارلىعى 1000-نان استام ءونىم اتاۋى ۇسىنىلعان. دەمالىس كۇندەرى جارمەڭكەلەر - بۇل وندىرۋشىلەر مەن ساتىپ الۋشىلار اراسىنداعى اشىق ساۋدا الاڭى. ۇيىمداستىرۋشى – «الماتى» اكك» اق.
باعانى تۇراقتاندىرۋ باعدارلاماسى اياسىندا الەۋمەتتىك ماڭىزى بار تاۋارلار جارمەڭكەلەردە نارىقتىق قۇننان تومەن ساتىلۋدا. جارمەڭكەلەر قالانىڭ بەس اۋدانىندا ساعات 09:00-دەن 18:00-گە دەيىن وتەدى:
- المالى اۋدانى - ماسانچي ك-سى (ايتەكە بي ك-سى مەن گوگول ك-سى اراسى)
- اۋەزوۆ اۋدانى - وتەگەن باتىر ك-سى (اباي داڭع. تومەن)
- بوستاندىق اۋدانى - قازاقفيلم ى/ا (ءال-فارابي داڭع.جوعارى)
- مەدەۋ اۋدانى -مەڭدىقۇلوۆ بۋلۆارى - بەكتۇروۆ ك-سى
- الاتاۋ اۋدانى: «مادەنيەت» ءتۇ كەشەنى.
جارمەڭكەلەرگە اپتا سايىن الماتىنىڭ 45 000-نان استام تۇرعىنى مەن قوناقتارى كەلەدى.