بەلگىلى جازۋشى، دراماتۋرگ، مەملەكەتتىك سىيلىقتىڭ لاۋرەاتى دۋلات يسابەكوۆ ومىردەن ءوتتى. بۇل تۋرالى اقىن، جازۋشىلار وداعى ءتوراعاسىنىڭ ورىنباسارى قاسىمحان بەگمانوۆ Facebook-تەگى پاراقشاسىندا جازدى.
— قايران، دۋلات اعام-اي، مىناۋ جارىق دۇنيەدەن ءسىزدىڭ دە كەتكەنىڭىز بە؟ وسى ءقازىر عانا، 10-15 مينۋت بۇرىن ەستيار دۋلات ۇلى ىنىشەگىم ماعان وسىناۋ الاپات قايعىلى حاباردى جىلاپ تۇرىپ جەتكىزدى.
قازاقستان جازۋشىلار وداعىنىڭ ءتوراعاسى مەرەكە ابدەشۇلىنا، قالاباسىنىڭ توڭىرەگىندەگى جىگىتتەرگە، باسقا دا ەل اعالارىنا قارالى حاباردى جەتكىزدىم. ءقازىر ءوزىم اعامنىڭ ۇيىنە قاراي كەتىپ بارا جاتىرمىن، - دەپ جازدى قاسىمحان بەگمانوۆ.
دۋلات يسابەكوۆ 1942 جىلى وڭتۇستىك قازاقستان وبلىسى، سايرام اۋدانىندا تۋعان. 1966 جىلى قازاق مەملەكەتتىك ۋنيۆەرسيتەتىن بىتىرگەن. جازۋشى ءار جىلدارى قازاق كسر تەليەۆيزيا جانە راديوحابار جونىندەگى مەملەكەتتىك كوميتەتىندە اعا رەداكتور (1967-1968)، قازاق سوۆەت ەنسيكلوپەدياسى باس رەداكسياسىندا اعا عىلىمي رەداكتور (1968-1970)، «جۇلدىز» جۋرنالىندا ءبولىم مەڭگەرۋشىسى (1971-1976)، «جالىن» باسپاسىندا رەداكسيا مەڭگەرۋشىسى (1976-1980)، قازاق كسر مادەنيەت مينيسترلىگى رەپەرتۋارلىق-رەداكسيالىق كوللەگيانىڭ باس رەداكتورى (1980-1988)، قازاق تەلەديدارىنىڭ باس ديرەكتورى (1988-1992)، «جازۋشى» باسپاسىنىڭ ديرەكتورى (1992-1995)، قازاقستان جازۋشىلار وداعىنىڭ حاتشىسى، ق ر مادەنيەتتانۋ عىلىميزەرتتەۋ ينستيتۋتىنىڭ ديرەكتورى بولىپ ەڭبەك ەتكەن.
https://kaz.inform.kz/news/zhazushi-dulat-isabekov-dunieden-ozdi-a26a59/