1 مامىر - قازاقستان حالقىنىڭ بىرلىگى كۇنى. Aqshamnews.kz ءتىلشىسى ايتۋلى مەرەكەگە وراي ەلىمىزدە بەيبىتشىلىك، مامىر، مير، بىرلىك، دوستىق ەسىمدى قانشا ادام بارىن انىقتادى.
ۇلتتىق ستاتيستيكا بيۋروسىنىڭ “مەن سياقتى نەشە ادام بار؟ بولىمىندە اتتاس ادامدار ءتىزىمىن تابۋعا بولادى.
قازاقستان بويىنشا ۇلتى قازاق بەيبىتشىلىك ەسىمدى 3 ادام بار. ال مامىر ەسىمدى 383 ازامات بار، ونىڭ 370ء-ى قازاق، 9-ى وزبەك، بىرەۋى ءازىربايجان. ەل اۋماعىندا مير ەسىمدى 104 ادام بار، ونىڭ 100ء-ى قازاق بولسا، بىرلىك ەسىمدى 484 ادامنىڭ 458ء-ى قازاق. ەلدە دوستىق ەسىمدى بار جوعى 23 ادام بار، ونىڭ 22ء-سىنىڭ ۇلتى قازاق.
ايتا كەتەيىك، ەلىمىزدە 1 مامىردا قازاقستان حالقىنىڭ بىرلىگى كۇنى تويلانادى. مەرەكە 1996 جىلدان باستاپ ەكس-پرەزيدەنت نۇرسۇلتان نازاربايەۆتىڭ جارلىعىمەن رەسمي تۇردە اتاپ ءوتىلىپ كەلەدى.