قازاقستاندا اۋىل شارۋاشىلىعىندا ەڭبەك ەتىپ جۇرگەن ايەلدەرگە ارنالعان «Lady Farmer» ۇلتتىق بايقاۋى رەسمي تۇردە باستاۋ الدى.
بۇل جوبا اگروونەركاسىپتىك كەشەندە ەڭبەك ەتىپ جۇرگەن نەمەسە ءوز كاسىبىن دوڭگەلەتىپ وتىرعان ايەلدەردى قولداۋعا جانە ولاردىڭ ەڭبەگىن دارىپتەۋگە باعىتتالعان، دەپ حابارلايدى aqshamnews.kz.
ۇيىمداستىرۋشىلاردىڭ مالىمەتىنشە، بايقاۋعا جاڭا كاسىپ باستاعان فەرمەرلەردەن باستاپ ءىرى اگروكاسىپورىن جەتەكشىلەرىنە دەيىن قاتىسا الادى. اسىرەسە يننوۆاسيالىق شەشىمدەردى قولدانىپ، شارۋاشىلىعىن دامىتىپ جۇرگەن ايەلدەرگە ەرەكشە نازار اۋدارىلادى.
ۇلتتىق ستاتيستيكا كوميتەتىنىڭ دەرەگىنشە، ەلىمىزدە ءۇش ميلليوننان استام اۋىل تۇرعىنى - ايەلدەر. ولاردىڭ كوپشىلىگى ءبىلىم بەرۋ، دەنساۋلىق ساقتاۋ، ساۋدا جانە اۋىل شارۋاشىلىعى سالالارىندا ەڭبەك ەتەدى. سونىمەن قاتار، ءاربىر ءتورتىنشى فەرمەرلىك قوجالىق ايەل ادامنىڭ باسشىلىعىمەن جۇمىس ىستەيدى.
بايقاۋ ءۇش نوميناسيا بويىنشا وتەدى:
• AgroQueen 2025
• Miss Green Energy
• اۋىل Girl Power
جەڭىمپازداردى اگرارلىق ب ا ق وكىلدەرى مەن تانىمال اگروبلوگەرلەردەن قۇرالعان قازىلار القاسى انىقتايدى.
فينال مەن ماراپاتتاۋ ءراسىمى 2025 جىلعى 17 شىلدەدە «Jańa Dala / Green Day 2025» حالىقارالىق كورمەسى اياسىندا وتەدى.
بايقاۋدى EXPO TIME كومپانياسى ۇلىبريتانيا ەلشىلىگىنىڭ قولداۋىمەن ۇيىمداستىرىپ وتىر.