ۇلتتىق كينونى قولداۋ ورتالىعىنىڭ قولداۋىمەن تۇسىرىلگەن «باۋىرىنا سالۋ» ءفيلمى پروكاتقا شىقتى، دەپ حابارلايدى اlmaty-akshamy.kz.
فيلم اجەسىنىڭ قولىندا وسكەن جەتكىنشەكتىڭ وقيعاسىن باياندايدى. اجەسى قايتىس بولعاننان كەيىن ول ءوزىنىڭ اتا-اناسىنا ورالۋعا جانە وعان بوتەن ادامدارمەن جاڭا ورتادا قارىم-قاتىناس قۇرۋعا ءماجبۇر بولادى.
«بۇل – ءىشىنارا مەنىڭ جەكە ومىرىمنەن الىنعان وقيعا. مەن دە اجەمنىڭ قولىندا ءوستىم، مەنى تاربيەلەگەن سول كىسى. وسى ماسەلەنى ءجىتى زەرتتەدىم. مۇنداعى باستى نارسە – اتا-انامەن بالانىڭ قارىم-قاتىناسى. اتا-اجەسىنىڭ قولىندا وسكەن كەز-كەلگەن بالا ءوز اتا-اناسىن «اكە» نە «انا» دەپ اتامايدى. نەگە ولاي؟ ءار سونداي بالانىڭ ىشىندە «مەنى تاستاپ كەتكەن» دەگەن رەنىش بار. ءفيلمنىڭ دراماتۋرگياسى، ەسكى وتباسىنان ايىرىلعاننان كەيىن ءالى دە جاڭا وتباسى تابۋ مۇمكىندىگى بار ەكەنىن كورەرمەنگە جەتكىزۋ»، – دەيدى رەجيسسەر.
كۋچينچيرەكوۆتىڭ ءوزى بۇل جوبادا رەجيسسەر، سەناريست جانە پروديۋسەر رەتىندە جۇمىس ىستەدى. ءتۇسىرىلىمنىڭ نەگىزگى لوكاسيالارى – الماتى وبلىسىنداعى قۇيعان جانە تۇيىق اۋىلدارى. قويۋشى-وپەراتورى جاناربەك ەلەۋبەك.
اۆتورلار ءفيلمنىڭ تۇساۋكەسەرىن ءىرى حالىقارالىق كينوفەستيۆالدەردە وتكىزدى. رەجيسسەردىڭ ايتۋىنشا، بۇل تۋىندى – قازاق حالقىنىڭ سالت-داستۇرىنە دەگەن ەرەكشە قۇرمەت.