ۇلتتىق قاۋىپسىزدىك كوميتەتى سوڭعى ۋاقىتتا الاياقتار كۇشتىك قۇرىلىمداردىڭ، سونىڭ ىشىندە ۆەدومستۆو باسشىلارىنىڭ اتىنان ازاماتتارعا ءجيى حابارلاساتىنىن ەسكەرتتى، دەپ حابارلايدى اlmaty-akshamy.kz.
الاياقتار ازاماتتارعا قارجىلىق جانە باسقا وپەراسيالاردى جۇرگىزۋ تۋرالى وتىنىشتەرىمەن نەمەسە تالاپتارىمەن تەلەفون ارقىلى قوڭىراۋ شالادى نەمەسە ماتىندىك حابارلامالار جىبەرەدى. بۇل رەتتە قىلمىستىق ماقساتتا اقشالاي نەسيە راسىمدەلگەنى جايلى، سونداي-اق قىلمىستىق جاۋاپتىلىققا تارتىلاتىنى تۋرالى قورقىتۋ نيەتىمەن حابارلاما جىبەرىلەدى.
سونداي-اق، بۇنداي جاعدايلاردا الاياقتار ۇقك سيمۆوليكاسى بار ارنايى دايىندالعان قۇجاتتاردىڭ فايلدارىن ءجيى جىبەرەتىنى ايتىلدى.
ۇقك قىزمەتكەرلەرى قىزمەتتىك مىندەتتەرىن اتقارۋ كەزىندە ازاماتتارعا قانداي دا ءبىر قارجىلىق وپەراسيالار جۇرگىزۋدى ۇسىنۋعا وكىلەتتىگى جوق، – دەلىنگەن ۇقك حابارلاماسىندا.
ەگەر ازامات وسىنداي جاعدايدا تاپ بولسا، تەز ارادا اڭگىمەلەسۋدى نەمەسە حات جازىسۋدى توقتاتىپ، 102 تەلەفونى بويىنشا پوليسياعا جۇگىنۋىگە ءتيىس.