دەپۋتات رينات زايىت انيماسيالىق فيلمدەرگە بولىنگەن قاراجات ءوزىن اقتاماي وتىرعانىن ايتىپ سىنادى، - دەپ حابارلايدى اqshamnews.kz ءتىلشىسى.
ءماجىلىس وتىرىسىندا دەپۋتات رينات زايىت مادەنيەت جانە اقپارات ءمينيسترى ايدا بالايەۆاعا انيماسيالىق فيلمدەرگە قاتىستى ساۋال جولدادى.
"ءبىزدىڭ باتىرلارىمىز بەن حاندارىمىزدى ناسيحاتتايتىن بىردە-بىر مۋلتفيلم بار ما؟! مەن ءالى كۇنگە دەيىن كورگەن جوقپىن. اۋىلدا ءبىر اۋىز ورىسشا بىلمەيتىن اتا-انانىڭ بالاسى قايدان ورىسشا سايراپ ءجۇر دەپ رەنجەيمىز. ويتكەنى بۇكىل انيماسيالىق فيلمدەر سول تىلدە. قازاقستاندا 5 جىلدا 1،4 ميلليارد تەڭگەگە قازاقفيلم 47 انيماسيالىق فيلم جاسادى دەگەن ەسەپ بار. مۇنداي قارجىلاندىرۋدان كەيىن سەرپىلىس بولۋى كەرەك ەدى عوي. بولعان جوق! 47 ءفيلمنىڭ 4-ەۋى عانا تەلەارنالاردان كورسەتىلدى، قالعانا ەشقايدا شىققان جوق. نەگە انيماسياعا بولىنگەن اقشاعا ىلگەرىلەۋ جوق؟" - دەدى ول.
ايدا بالايەۆا، العاش كەزدە ءونىم بولماعانىن، كەيىن 47 ءونىمدى كوپشىلىككە كورسەتۋ ءۇشىن قۇقىقتىق نەگىزدىڭ بولماعانىن ايتتى.
"ويتكەنى ەڭ باستى حالىقارالىق شارت بويىنشا مۇنداي ونىمدەر ءارتۇرلى دەڭگەيدەگى حالىقارالىق فەستيۆالدىڭ شەڭبەرىندەگى بايقاۋلاردان ءوتۋى كەرەك. بۇل جۇمىس جۇرگىزىلىپ جاتىر. بارلىق فەستيۆالدە جارتىسى ءوتتى، قالعانى قاتىسىپ جاتىر. تۋىندىلاردى سيفرلىق ماركەتينگ، ارنايى ستريمينگ پلاتفورما ارقىلى تاراتۋ جۇيەسى بولعان جوق. ونى ءبىز بىلتىر قولعا الدىق. ءقازىر جاڭا ونىمدەر 25ء-ى "قازاقستان" تەلەكانالىندا، 69-ى "حابار" تەلەكانالىندا ورناتىلدى. YouTube-تە "قازاقفيلم" ءارتۇرلى جىلدا تۇسىرگەن 10 ءونىم ورنالاستىرىلدى. بۇدان بولەك، ءتۇرلى وقۋ ورىندارىندا كورسەتۋدى قولعا الىپ جاتىرمىز"، - دەپ جاۋاپ بەردى ول.
پرەمەر-مينيستردىڭ ورىنباسارى ەرمەك كوشەربايەۆ رينات زايىتتىڭ سىنىن ورىندى دەپ اتادى.