سوڭعى جىلدارى اۆياسيالىق قاۋىپسىزدىككە قاتىستى تالاپتار كۇشەيىپ كەلەدى.
اۋەجايدا نەمەسە ۇشاق بورتىندا قاۋىپسىزدىككە بايلانىستى كەز كەلگەن ورىنسىز ءسوز – ءازىل تۇرىندە بولسا دا – قاتەر كوزى رەتىندە قابىلدانادى، دەپ حابارلايدى aqshamnews.kz.
مىسالى، «جارىلعىش زات بار»، «بومبا سالىپ قويدىم»، «قارۋ الىپ كەلدىم» دەگەن سەكىلدى تىركەستەر — ەسكەرتۋ رەتىندە قابىلدانىپ، دەرەۋ توتەنشە ارەكەت ەتۋ شارالارىن تالاپ ەتەدى. بۇل رەيستىڭ كەشىگۋىنە، جولاۋشىلار مەن جۇككە تولىق تەكسەرىس جۇرگىزۋگە، ءتىپتى ۇشۋلاردىڭ ۋاقىتشا توقتاۋىنا اكەپ سوعۋى مۇمكىن.
مۇنداي «ازىلدەر» زاڭ الدىندا جاۋاپقا تارتۋعا سەبەپ بولادى. قازاقستان رەسپۋبليكاسىنىڭ قولدانىستاعى زاڭناماسىنا سايكەس، جالعان تەرروريزم تۋرالى حابارلاما نەمەسە قوعامدىق قاۋىپسىزدىككە ءقاۋىپ ءتوندىرۋ — قىلمىستىق جاۋاپكەرشىلىككە اكەپ سوعادى.
قاۋىپسىزدىك ساقتاۋ ءۇشىن ەستە ساقتاڭىز:
• اۋەجايدا جانە ۇشاقتا ءقاۋىپ، جارىلعىش زاتتار، قارۋ-جاراق تۋرالى سوزدەردى مۇلدەم قولدانباڭىز
• بالالارىڭىز بەن جاسوسپىرىمدەرگە مۇنداي «ازىلدەردىڭ» سالدارىن ءتۇسىندىرىڭىز
• كۇماندى جاعداي بايقاساڭىز، دەرەۋ ءتيىستى قىزمەتكە حابارلاڭىز
ءسىزدىڭ سوزدەرىڭىز — باسقا ادامداردىڭ قاۋىپسىزدىگىنە تىكەلەي اسەر ەتەدى.
قوعامدىق ورىندا جاۋاپكەرشىلىكپەن ارەكەت ەتىڭىز.