ق ر مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنىڭ قىزمەتىندەگى نەگىزگى باسىمدىقتاردىڭ ءبىرى – مەملەكەتتىك قىزمەت كورسەتۋ ساپاسىن باقىلاۋ جانە باعالاۋ بولىپ تابىلادى.
ايتا كەتۋ كەرەك، الماتى قالاسىندا جىل سايىن 20 ميلليوننان استام مەملەكەتتىك قىزمەت كورسەتىلەدى، ولاردىڭ 90%-ى ەلەكتروندى تۇردە جۇزەگە اسىرىلادى. دەپارتامەنت ءوز قىزمەتىنىڭ اياسىندا تۇراقتى تۇردە قىزمەت الۋشىلاردىڭ قۇقىقتارىن قالپىنا كەلتىرۋ بويىنشا باقىلاۋ ءىس-شارالارىن جۇرگىزىپ وتىرادى.
مىسالى، «الماتى قالاسىنىڭ حالىقارالىق اۋەجايى» اق تاراپىنان كەلىپ تۇسكەن شاعىم نەگىزىندە، «الماتى قالاسىنىڭ قالالىق جوسپارلاۋ جانە ۋربانيستيكا باسقارماسى» كمم-دە «جەر ۋچاسكەسىنىڭ نىسانالى ماقساتىن وزگەرتۋگە شەشىم بەرۋ» مەملەكەتتىك قىزمەتىن كورسەتۋدەن باس تارتۋدىڭ زاڭدىلىعى مەن ءتارتىبىن تەكسەرۋ جۇرگىزىلدى.
تەكسەرۋ ناتيجەسىندە مەملەكەتتىك قىزمەت كورسەتۋدەن نەگىزسىز باس تارتۋ جانە باس تارتۋ ءتارتىبىن بۇزۋ فاكتىلەرى تولىق راستالدى. وسىعان بايلانىستى باسقارماعا قىزمەت الۋشىنىڭ قۇقىقتارىن قالپىنا كەلتىرۋ جانە بۇزۋشىلىقتاردى جويۋ جونىندە نۇسقاما جىبەرىلدى. سونىمەن قاتار، باسقارما باسشىسىنىڭ ورىنباسارى ق ر اكىمشىلىك قۇقىق بۇزۋشىلىق تۋرالى كودەكسىنىڭ 465-بابىنىڭ تالاپتارىن بۇزعانى ءۇشىن اكىمشىلىك جاۋاپكەرشىلىككە تارتىلدى. بۇزۋشىلىققا جول بەرگەن جاۋاپتى تۇلعاعا تارتىپتىك شارا قولدانىلدى.
قازىرگى ۋاقىتتا جەر ۋچاسكەسىنىڭ نىسانالى ماقساتىن وزگەرتۋ ارقىلى قىزمەت الۋشىنىڭ قۇقىقتارى تولىق قالپىنا كەلتىرىلدى.
ۇقساس جاعداي س. ەسىمدى قىزمەت الۋشىنىڭ شاعىمى بويىنشا دا انىقتالىپ، شاعىمدا كورسەتىلگەن فاكتىلەر راستالدى. ناتيجەسىندە باسقارماعا ءتيىستى ۇسىنىس حات جىبەرىلىپ، قىزمەت الۋشىنىڭ قۇقىقتارى تولىق قالپىنا كەلتىرىلدى. باسقارمانىڭ جاۋاپتى قىزمەتكەرى ق ر اقتك 465-بابىنىڭ تالاپتارىن بۇزعانى ءۇشىن اكىمشىلىك جاۋاپكەرشىلىككە تارتىلدى.
ەستەرىڭىزگە سالا كەتەيىك، ەگەر مەملەكەتتىك قىزمەت كورسەتۋدەن نەگىزسىز باس تارتىلىپ، زاڭدى قۇقىقتارىڭىز بۇزىلعان جاعدايدا، ءسىز ق ر مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنە كەلەسى مەكەنجاي بويىنشا حابارلاسا الاسىز: الماتى ق.، دوستىق داڭعىلى 134، «پيونەر 2» بيزنەس ورتالىعى نەمەسە +7 (727) 254 90 05 تەلەفونىنا قوڭىراۋ شالۋعا بولادى. سونداي-اق، وتىنىشتەرىڭىزدى «e-otinish» پلاتفورماسى ارقىلى دا جولداۋعا مۇمكىندىك بار.
قوسىمشا، ازاماتتاردىڭ مەملەكەتتىك ورگاندارمەن ءوزارا بايلانىسىن جەڭىلدەتۋ ماقساتىندا، Telegram قوسىمشاسىنداعى «EgovKZBot2.0» پلاتفورماسىندا جاڭا «ۋاكىلەتتى ورگان» فۋنكسياسى ازىرلەندى. بۇل فۋنكسيا ازاماتتاردىڭ وتىنىشتەرىنە جەدەل ارەكەت ەتۋگە جانە تيىمدىلىكتى ارتتىرۋعا باعىتتالعان.