قۇلاقتىڭ اۋىرۋى مەن باستىڭ اينالۋى تىسجەگىنىڭ اسقىنعان تۇرىنەن بولۋى مۇمكىن.
بۇل تۋرالى رەسەيلىك ستوماتولوگ-تەراپيەۆت، ستوماتولوگ-پارودونتولوگ ەلەنا مارتىنوۆا ايتتى، دەپ حابارلايدى Almaty-akshamy.kz.
ول تىسجەگىنىڭ سترەپتوكوكك باكتەرياسىن تۋدىراتىنىن ەسكە سالدى. ال بۇل باكتەريا تەز كوبەيىپ، ءتىستى بۇزادى.
«باكتەريالاردىڭ تامىردىڭ جوعارعى جاعىنا تارالۋى كەزىندە سۇيەك ءتىنىنىڭ بۇزىلۋى جانە گايموريتتىڭ دامۋى مۇمكىن. سونداي-اق، ءتىس پروبلەمالارىنان باس اينالىپ، قۇلاق اۋرۋى پايدا بولۋى مۇمكىن»، - دەپ ەسكەرتەدى دارىگەر.
سونداي-اق، سترەپتوكوككتار انگينا، وتيت، جۇرەكتىڭ ىشكى قابىرعاسىن قابىندىرىپ، بۇيرەك اۋرۋى مەن ريەۆماتيزمدى تۋدىرۋى مۇمكىن. پارودونتيتتە باكتەريالار قان اينالىمى جۇيەسىنە ەنەدى، سونىڭ سالدارىنان ىشكى ورگانداردىڭ اۋرۋىن تۋدىرۋعا قاۋقارلى كەلەدى.
مارتىنوۆا ءتىستىڭ بولماۋى نەمەسە ولاردىڭ دۇرىس ورنالاسپاۋى استىڭ دۇرىس شاينالماۋىنا اسەر ەتەتىنىن، ال ول ءوز كەزەگىندە اس قورىتۋ جۇيەسى مەن باۋىردىڭ اۋرۋىنا اكەلۋى مۇمكىن.
بۇعان دەيىن ستوماتولوگ ءتىستىڭ بۇزىلۋىنا اكەلەتىن زياندى ادەتتەردىڭ ءبىرى رەتىندە تەمەكى شەگۋ ەكەنىن ايتقان بولاتىن.