قولداۋ جىل سايىن ارتىپ كەلەدى.
قازاقستاننىڭ اۋىل شارۋاشىلىعىن قولداۋعا 400 ميلليارد تەڭگەدەن استام قارجى ءبولىندى، دەپ حابارلايدى Almaty-akshamy.kz
اۋىل شارۋاشىلىعى ۆيسە-مينيسترى ەربول تاسجۇرەكوۆ اۋىل شارۋاشىلىعى سالاسىنا مەملەكەتتىك قولداۋدىڭ جالپى كولەمى جىل سايىن ارتىپ كەلە جاتقانىن ايتتى.
بيىل سالانى سۋبسيديالاۋعا 400 ميلليارد تەڭگەدەن استام قارجى بولىنگەن. سونداي-اق مەملەكەت جەكەلەگەن تاۋار توپتارىن وندىرۋگە كەتەتىن شىعىندى ازايتاتىنى ءمالىم بولدى.
دەلدالدىق باعدارلاماعا تاۋار وندىرۋشىلەردى كوبىرەك تارتۋ جانە اۋىل شارۋاشىلىعى تاۋارىن وندىرۋشىلەر مەن قايتا وڭدەۋشىلەردى قارجىلاندىرۋدى ۇلعايتۋ ماقساتىندا ۇلگىلىك ەرەجەلەردە قارجىلاندىرۋدىڭ 70 پايىزىن باعىتتاۋ تالابى بەلگىلەنگەن.
بۇعان دەيىن قازاقستاندا سۋبسيديا الۋ ەرەجەلەرىنىڭ تىم ءجيى وزگەرۋى نارازىلىق تۋدىرعانى حابارلانعان بولاتىن.