الماتىدا ءار سەنبى جانە جەكسەنبى كۇندەرى ساعات 9:00-دەن 18:00-گە دەيىن دەمالىس كۇندەرىنىڭ جارمەڭكەلەرى وتەدى.
بۇل – الماتى مەن الماتى وبلىسىنىڭ تاۋار وندىرۋشىلەرى مەن فەرمەرلەرى قالا تۇرعىندارىنا 700-800 تونناعا دەيىن الەۋمەتتىك ماڭىزى بار ازىق-تۇلىك پەن اۋىل شارۋاشىلىعى ونىمدەرىن ۇسىناتىن ۋاقىتشا ساۋدا الاڭدارى. دايىن ونىمدەردىڭ باعاسى الماتى قالاسىنىڭ ورتاشا نارىقتىق باعاسىنان 10-15% تومەن.
اپتا سايىن جارمەڭكەلەرگە 300-گە جۋىق ساتۋشى قاتىسادى، ال كەلۋشىلەر سانى 28 مىڭنان اسادى. مۇندا جاڭا سويىلعان ەت، كوكونىستەر، جەمىستەر، ءسۇت ونىمدەرى جانە باسقا دا تاۋارلاردى ساتىپ الۋعا بولادى.
جارمەڭكە وتەتىن مەكەنجايلار:
• المالى اۋدانى: ماسانچي كوشەسى، ايتەكە بي مەن گوگول كوشەلەرىنىڭ ارالىعى
• اۋەزوۆ اۋدانى: وتەگەن باتىر كوشەسى، اباي داڭعىلىنان تومەن
• بوستاندىق اۋدانى: قازاقفيلم شاعىن اۋدانى، ءال-فارابي داڭعىلىنان جوعارى
• مەدەۋ اۋدانى: مەندىقۇلوۆ بۋلۆارى – بەكتۇروۆ كوشەسى
جاقىندا جارمەڭكەلەر جاڭعىرتۋدان ءوتتى. جارمەڭكەنىڭ ۇيىمداستىرۋشىسى – «الماتى» اكك» اق المالى، اۋەزوۆ، بوستاندىق جانە مەدەۋ اۋداندارىندا ينفراقۇرىلىمدى جاڭارتىپ، جاڭا ساۋدا ورىندارىن ورناتتى، سانيتارلىق جاعدايدى جاقسارتتى جانە كەلۋشىلەر ءۇشىن ىڭعايلى باعىتتاردى ۇيىمداستىردى. بۇل جارمەڭكەلەردى قالا تۇرعىندارى مەن كاسىپكەرلەردىڭ مۇددەلەرىن توعىستىراتىن زاماناۋي قوعامدىق كەڭىستىككە اينالدىرۋعا مۇمكىندىك بەردى.