بانك سەكتورىنىڭ ءىرى ينۆەستيسيالىق جانە ينفراقۇرىلىمدىق جوبالاردى كرەديتتەۋ مۇمكىندىكتەرىن كەڭەيتۋ قاجەت. بۇل تۋرالى ەلىمىزدىڭ الەۋمەتتىك-ەكونوميكالىق دامۋى جونىندەگى كەڭەستە مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وتاندىق بانكتەردى بيزنەس پەن ينۆەستيسيا ءۇشىن قولايلى جاعداي جاساۋ جۇمىستارىنا تارتۋ وتە ماڭىزدى. بانك سەكتورىنىڭ ءىرى ينۆەستيسيالىق جانە ينفراقۇرىلىمدىق جوبالاردى كرەديتتەۋ مۇمكىندىكتەرىن كەڭەيتۋ قاجەت. ءتيىستى تاپسىرمانى مەنى ەكونوميكانى كرەديتتەۋدى كەڭەيتۋ جونىندەگى ءىس-شارالار تۋرالى جارلىق اياسىندا بەردىم»، – دەدى مەملەكەت باسشىسى.
قاسىم-جومارت توقايەۆ سونىمەن قاتار شاعىن مەن ورتا بيزنەس قولجەتىمدى بانكتىك كرەديتتەن تىس قالىپ وتىرعانىن باسا ايتتى.
«بۇعان قوسا، ءبىز بانكتەردە اقشا بار ەكەنىن جانە ولاردىڭ اشىق جۇمىس ىستەيتىن كاسىپكەرلەردى قارجىلاندىرۋعا دايىن ەكەنىن بىلەمىز. سوندىقتان بانكتەردىڭ وزدەرىنىڭ جۇمىسىن قايتا باپتاۋدان بولەك بانكتەر مەن مەملەكەتتىك كىرىستەر ورگاندارىنىڭ اقپاراتتىق جۇيەلەرىن ينتەگراسيالاۋدى جانە اقشا اعىندارىن سيفرلاندىرۋدى كۇشەيتۋ قاجەت. بۇل بانكتەردىڭ بيزنەسكە، اسىرەسە، شاعىن جانە ورتا بيزنەسكە سەنىمىن نىعايتۋعا مۇمكىندىك بەرەدى»، – دەدى پرەزيدەنت.