الماتىدا كىشكەنتاي بالالاردىڭ كوزىنشە بۇرىنعى ايەلىن اياۋسىز ۇرىپ-سوققان ەر ادام ۇستالدى، - دەپ حابارلايدى اqshamnews.kz ءتىلشىسى.
وقيعاعا قاتىستى نە بەلگىلى؟
الەۋمەتتىك جەلىدە بەتى قان جوسا بولعان ايەلدىڭ ۆيدەوسى پايدا بولدى. بۇل ۋاقىتتا ونىڭ قاسىندا ەكى بالا بار، ولاردىڭ ءبىرى جىلاپ وتىر.
ايەلدىڭ ايتۋىنشا، وقيعا 28 تامىزدا بولعان. ول بۇرىنعى كۇيەۋى شابۋىل جاساعانىن ايتتى، ولار ءۇش جىل بۇرىن اجىراسىپ كەتكەن. ونىڭ ايتۋىنشا، شابۋىلدان كەيىن ايەل اۋىر جاراقات العان، جاق سۇيەگىن قالپىنا كەلتىرۋ ءۇشىن بىرنەشە وتا جاسالعان جانە ۇزاق ۋاقىت اۋرۋحانادا بولعان.
زارداپ شەگۋشى كىنالى ادامدى جاۋاپقا تارتىپ، زاڭنىڭ قاتاڭ تالاپتارىنا سايكەس جازالاۋدى سۇرادى.
پوليسيا مالىمدەمەسى
پوليسيا دەپارتامەنتى بۇعان دەيىن ەر ادامعا قاتىستى قىلمىستىق كودەكستىڭ 107-بابى ("دەنساۋلىققا قاساقانا ورتاشا اۋىرلىقتاعى زيان كەلتىرۋ") بويىنشا قىلمىستىق ءىس قوزعالعانىن مالىمدەگەن.
17 قىركۇيەكتە الماتى پوليسياسى كۇدىكتىنىڭ ۇستالىپ، ۋاقىتشا ۇستاۋ يزولياتورىنا قامالعانىن ايتتى.
"بارلىق ماتەريال وبەكتيۆ تۇردە قارالادى، ال تەرگەۋ اياقتالعان سوڭ قولدانىستاعى زاڭناماعا سايكەس قاتاڭ شارالار قابىلدانادى"، – دەپ قورىتىندىلادى ۆەدومستۆو.