سارقان اۋدانىندا ۇلتتىق جوبا «تaزa قازاقستان» شەڭبەرىندە اباتتاندىرۋ جۇمىستارى جالعاسۋدا. كەزەكتى كۇزگى سەنبىلىك سارقان قالاسىنداعى ورتالىق «قويتاس» ساياباعىندا ءوتتى. شاراعا جەرگىلىكتى تۇرعىندار، مەكەمە قىزمەتكەرلەرى مەن كوممۋنالدىق قىزمەت وكىلدەرى قاتىستى.
كۇنى بويى قاتىسۋشىلار ساياباق اۋماعىن قوقىستان تازالاپ، ارىقتاردى اشتى، جولداردى سىپىرىپ، اعاشتارعا كۇتىم جاسادى، تۇسكەن جاپىراقتار مەن قالدىقتاردى شىعاردى. وعان بارلىعى 70-كە جۋىق ادام قاتىسىپ، 2 ارنايى تەحنيكا بىرلىگى جۇمىلدىرىلدى.
ءارتۇرلى مەكەمە قىزمەتكەرلەرىنىڭ بەلسەندىلىگى مەن ۇيىمشىلدىعى ايرىقشا اتاپ ءوتىلدى. ولاردىڭ ەڭبەگى قوعامدىق كەڭىستىكتىڭ شىنايى وزگەرۋىنە ۇلگى بولدى.
«قويتاس» ساياباعى قالا تۇرعىندارىنىڭ سۇيىكتى دەمالىس ورىندارىنىڭ ءبىرى بولعاندىقتان، ونىڭ اباتتاندىرىلۋىنا ەرەكشە كوڭىل بولىنۋدە. مۇنداي سەنبىلىكتەر تەك ەكولوگيالىق جاعدايدى جاقسارتۋمەن شەكتەلمەي، تۇرعىنداردا تابيعاتقا ۇقىپتى قاراۋ مادەنيەتىن دە قالىپتاستىرادى.
ەسكە سالا كەتسەك، ۇلتتىق جوبا «تaزa قازاقستان» ەلىمىزدە تازا ءارى ءقاۋىپسىز ەكولوگيالىق ورتا قۇرۋدى كوزدەيدى. ول جوبا جاسىنا، كاسىبىنە نەمەسە الەۋمەتتىك مارتەبەسىنە قاراماستان، بارشا ازاماتتى ورتاق ماقسات – تابيعاتتى قورعاۋ جانە قالالار مەن اۋىلداردى تازا ۇستاۋ ىسىنە بىرىكتىرەدى.