الماتى قالاسى قاج دەپارتامەنتىنىڭ №11 مەكەمەسىندە كامەلەت جاسقا تولماعان جازاسىن وتەۋشى جاسوپىرىمدەر اراسىندا ەسىرتكى قىلمىسى مەن ناشاقورلىقتىڭ الدىن الۋ ماقساتىندا تۇسىندىرمە جۇمىسى جۇرگىزىلدى.
الماتى قالاسى ەسىرتكىگە قارسى كۇرەس باسقارماسىنىڭ اعا جەدەل ۋاكىلى، پوليسيا مايورى سۇلۋشاش دوسبولوۆا مۇنداي ءىس-شارالاردىڭ جاستاردىڭ ءتۇزۋ جولدا جۇرۋىنە سەپتىگىن تيگىزەتىنىن، سونداي-اق ەسىرتكى قىلىمىسى مەن ناشاقورلىقتىڭ زياندى سالدارىنىڭ الدىن-الۋ بولاشاق ۇرپاقتى سالاۋاتتى ومىرگە تاربيەلەيتىنىن اتاپ ءوتتى.