ەكىنشى دەڭگەيدەگى بانكتەردىڭ ءموبيلدى قوسىمشالارى ارقىلى مەملەكەتتىك قىزمەتتەردى الۋ ىڭعايلىلىعى – بۇل جەكە ەسق-كىلتتەردى پايدالانۋ جانە قوسىمشا اقپاراتتى ەنگىزۋ قاجەتتىلىگىنىڭ بولماۋى.
پيلوتتىق جوباعا Kaspi Bank مەن حالىق بانكى قاتىسۋدا. جاردەماقى نەمەسە الەۋمەتتىك تولەم تاعايىنداۋدى رەسىمدەۋ ءۇشىن وسى بانكتەردىڭ ءبىرىنىڭ ءموبيلدى قوسىمشاسىندا مەملەكەتتىك قىزمەت كورسەتۋ بويىنشا ءبولىمدى تابۋ، ءتيىستى مەملەكەتتىك قىزمەتتى تاڭداۋ جانە دەربەس دەرەكتەردى وڭدەۋگە كەلىسىمدى راستاۋ قاجەت. ءوتىنىمدى جىبەرگەننەن جانە ونى مەملەكەتتىك ورگان تاراپىنان قاراعاننان كەيىن كورسەتىلەتىن قىزمەتتى الۋشىعا ونى قاراۋ ناتيجەسى جانە تاعايىندالعان تولەم سوماسى تۋرالى PUSH-حابارلاما جانە SMS جىبەرىلەدى.
«بۇل جوبا كەلەسى توعىز ايدا جۇزەگە اسىرىلادى. وڭ ديناميكا مەن سۇرانىس بولعان، سونداي-اق ەكىنشى دەڭگەيدەگى بانكتەر تەحنيكالىق جاعىنان دايىن بولعان جاعدايدا جوبا پيلوتتىق فورماتتان قولدانىستاعى فورماتقا كوشىرىلەدى دەپ جوسپارلانۋدا. ءوز كەزەگىندە، مەملەكەتتىك ورگاندار باسقا ەكىنشى دەڭگەيدەگى بانكتەرمەن ىنتىماقتاسۋ جانە ەدب ءموبيلدى قوسىمشالارى ارقىلى كورسەتىلەتىن قىزمەتتەردىڭ تىزبەسىن كەڭەيتۋ ءۇشىن اشىق»، – دەپ اتاپ ءوتتى ەڭبەكمينى مەملەكەتتىك قىزمەتتەردى تالداۋ جانە دامىتۋ دەپارتامەنتىنىڭ ديرەكتورى انار تولەۋبايەۆا.
ازاماتتاردىڭ كەڭ اۋقىمىنا قولجەتىمدى مەملەكەتتىك ورگانداردىڭ دەرەكقورلارىن جانە وزگە دە پلاتفورمالاردى ينتەگراسيالاۋ بويىنشا وسىنداي جوبالاردى ىسكە اسىرۋ حالىقتى ەلەكتروندىق مەملەكەتتىك قىزمەتتەرمەن قامتۋدى ۇلعايتۋعا مۇمكىندىك بەرەدى، ولاردىڭ قولجەتىمدىلىگىن، ىڭعايلىلىعىن ارتتىرادى جانە كورسەتۋ ۋاقىتىن قىسقارتادى.
www.gov.kz
