«مەملەكەت باسشىسى قاسىم-جومارت كەمەل ۇلى توقايەۆتىڭ تاپسىرماسىنا سايكەس، ءبىز 2030 جىلعا دەيىن سۋارمالى جەر كولەمىن 3 ميلليون گەكتارعا دەيىن جەتكىزۋىمىز قاجەت. سۋارمالى ەگىنشىلىك نەگىزگى سۋ تۇتىنۋشى بولىپ وتىرعانىن ايتا كەتۋ كەرەك. بۇگىنگى تاڭدا سۋارمالى جەرلەردىڭ الاڭى 1،6 ميلليون گەكتاردى قۇرادى. بەس جىل ىشىندە 600 مىڭ گەكتار سۋارمالى جەردى قالپىنا كەلتىرۋ جونىندەگى جۇمىستار جالعاستىرىلادى. وسىلايشا، سۋارمالى جەرلەردىڭ الاڭى 2،2 ميلليون گەكتارعا دەيىن جەتكىزىلەتىن بولادى»، - دەدى سەرىكقالي برەكەشيەۆ.

سۋارمالى ەگىنشىلىكتىڭ اعىمداعى جاي-كۇيىنە توقتالساق، سۋ تارتۋدىڭ بارلىعىن العاندا 12،1 تەكشە كيلومەتر تۇراقتى سۋارۋعا كەلەدى. ونىڭ ىشىندە 11،8 تەكشە كيلومەتر 4 وڭتۇستىك وبلىسقا تيەسىلى: 1،25 ملن گەكتار سۋارمالى الاڭى بار الماتى، جامبىل، تۇركىستان جانە قىزىلوردا وبلىستارى قامتىلعان. ياعني، بۇل سۋارۋعا ارنالعان سۋ تارتۋدىڭ 97% پايىزى جانە ەل بويىنشا بارلىق سۋارمالى الاڭنىڭ 78% پايىزى. بۇل رەتتە، وسى جىلعى 1 قاڭتارداعى جاعداي بويىنشا، سۋ ۇنەمدەۋ تەحنولوگيالارىمەن قامتىلعان الاڭ رەسپۋبليكا بويىنشا 248 مىڭ گەكتاردى قۇرادى. ونىڭ ىشىندە وڭتۇستىك وڭىردە 1،25 ملن گەكتاردىڭ تەك 5،4 پايىزى نەمەسە 67،7 مىڭ گەكتارى عانا ەنگىزىلگەن.