بايقاۋعا قاتىسىپ، ب ا ق سىناڭىز!

ءاربىر قىز «قازاقستان ارۋى» اتانۋعا لايىقتى: الماتىدا ۇلتتىق سۇلۋلىق بايقاۋىنىڭ اشىق كاستينگى وتەدى، دەپ حابارلايدى aqshamnews.kz.

«قازاقستان ارۋى» ۇلتتىق سۇلۋلىق بايقاۋىنىڭ ۇيىمداستىرۋ كوميتەتى ەلىمىزدىڭ ارۋلارىن كاستينگكە قاتىسۋعا شاقىرادى. 17 تامىز كۇنى الماتىدا «قازاقستان ارۋى» ۇلتتىق سۇلۋلىق بايقاۋىنىڭ اشىق كاستينگى وتەدى. كاستينگكە 18 جاستان اسقان جانە بويى 165 سانتيمەتردەن جوعارى بارلىق قىز قاتىسا الادى. كاستينگتەن وتكەندەر «قازاقستان ارۋى» بايقاۋىنىڭ فينالىنا جولداما الادى. 

جوبانىڭ ماقساتى – ەتنيكالىق نەگىزدەردى ساقتاۋ جانە ناسيحاتتاۋ. قازاق ءتىلىن، ۇلتتىق قولونەرىن، مادەني مۇراسىن، ۇلتتىق كيىمدەرىن جاستاردىڭ بويىنا ءسىڭىرۋ ءارى دارىپتەۋ. قازاق قىزدارىنىڭ بۇگىنگى رۋحاني كەلبەتىن اشىپ، جاستاردى ۇلتتىق رۋحانيات پەن مادەني مۇرانى قۇرمەتتەۋگە تاربيەلەۋ. ەلىمىزدىڭ جاستار ساياساتىنا ۇلەس قوسۋ دا ۇلكەن ماقساتتارىمىزدىڭ ءبىرى. بايقاۋ – ولكەمىزدىڭ سان ۇرپاقتارىنىڭ تەرەڭدىگى مەن دانالىعىن بويىنا سىڭىرگەن سۇلۋلىققا تاعزىم. «Miss Qazaqstan» جاي عانا سۇلۋلىق بايقاۋى ەمەس، بۇل ءارقاشان «سۇلۋلىق مەيىرىمدىلىكتە!» ۇرانىمەن وتەتىن جوبا. بيىل جوبا «ايەل بولۋ - ونەر» تاقىرىبىمەن وتپەكشى.

«قازاقستان ارۋى» تەك قانا سۇلۋلىق بايقاۋى ەمەس، بۇل قىز بالاسىنا ءوزىنىڭ ونەرىن، ءبىلىمىن ءھام الەۋەتىن كورسەتۋگە ارنالعان بىرەگەي الاڭ!
وتەتىن ورنى: ءال-فارابي داڭعىلى 5/2، پ2، «جۇرەك تاۋ» بيزنەس ورتالىعى
كاستينگ كۇنى مەن ۋاقىتى: 17 تامىز، ساعات 12:00