بيىل «الماتى مەكتەپتەرى» باعدارلاماسىن ىسكە اسىرۋ اياسىندا قالادا وقۋشىلاردىڭ فۋنكسيونالدىق ساۋاتتىلىعىن، سيفرلىق قۇزىرەتتىلىگى مەن داعدىسىن قالىپتاستىرۋعا باعىتتالعان سەرتيفيكاتتالعان باعدارلاما بويىنشا 70 ءمۇعالىمدى وقىتۋ جالعاسۋدا، دەپ حابارلايدى aqshamnews.kz
وقىتۋ Cambridge International Assessment Education ماقۇلداعان وقۋ ماتەريالدارىنىڭ ءتورت رەسمي الەمدىك باسپاگەرىنىڭ ءبىرى Marshall Cavendish باعدارلاماسى بويىنشا جۇرگىزىلەدى. بۇل تۋرالى الماتى اكىمى ەربولات دوسايەۆ «Digital Kazakhstan: جاڭا زامانداعى ءبىلىم بەرۋ» اتتى پەداگوگتاردىڭ تامىز ءسامميتى بارىسىندا حابارلادى.
«وسى وقۋ جىلىنىڭ باسىنان باستاپ ءبىز الماتى قالاسىنداعى مەملەكەتتىك مەكتەپتەردىڭ مۇعالىمدەرى ءۇشىن جاساندى ينتەللەكت سالاسىندا ۆەب-ازىرلەۋشىلەردى دايارلاۋدىڭ 12 اپتالىق ارنايى باعدارلاماسىن ىسكە قوسۋدى جوسپارلاپ وتىرمىز. ءاربىر مەكتەپ كومانداسى گەنەراتيۆتى جاساندى ينتەللەكت مۇمكىندىگىن پايدالانا وتىرىپ، ءوزىنىڭ ۆەب-قوسىمشاسىن جاساپ، ىسكە قوسادى»، - دەدى شاھار باسشىسى.
سونداي-اق، ونىڭ ايتۋىنشا، سيفرلىق وقىتۋ مەن اقپاراتتىق تەحنولوگيالاردىڭ ماڭىزدى اسپەكتىلەرىن قامتيتىن IT پاندەرى بويىنشا 100 مەكتەپتىڭ مۇعالىمدەرىن وقىتۋ باعدارلاماسى ىسكە قوسىلدى. بۇل مۇعالىمدەرگە يننوۆاسيالاردى وقۋ ۇدەرىسىنە ءتيىمدى ەنگىزۋگە مۇمكىندىك بەرەدى، دەپ ءسوزىن تۇيىندەدى ەربولات دوسايەۆ.
ايتا كەتەيىك، الماتىدا 2024-2025 وقۋ جىلىنىڭ قارساڭىندا «Digital Kazakhstan: جاڭا زامانداعى ءبىلىم بەرۋ» تاقىرىبىندا پەداگوگتاردىڭ قالالىق تامىز ءسامميتى ءوتىپ جاتىر.