ازيانىڭ ەڭ ۇزدىك ۋنيۆەرسيتتەرى رەيتينگىندە قازاقستاننىڭ جوو قانداي ناتيجەگە يە؟

QS World University Rankings رەيتينگى 2004 جىلدان بەرى جۇرگىزىلۋدە، وعان قازاقستاندىق جوعارى وقۋ ورىندارى 2011 جىلدان بەرى قاتىسىپ كەلەدى، دەپ حابارلايدى aqshamnews.kz.

  Quacquarelli Symonds (QS) حالىقارالىق رەيتينگ اگەنتتىگى كەلەسى رەيتينگتەردى قۇراستىرۋشى بولىپ تابىلادى:

• QS World University Rankings – الەمنىڭ ۇزدىك ۋنيۆەرسيتەتتەرىنىڭ رەيتينگى؛
• QS World University Rankings by Subject – الەمدەگى ۇزدىك ۋنيۆەرسيتەتتەردىڭ پاندىك رەيتينگتەرى؛ 
• QS Sustainability Rankings – تۇراقتى دامۋ ماقساتتارىنا قول جەتكىزۋ بويىنشا الەمدەگى ۇزدىك ۋنيۆەرسيتەتتەردىڭ رەيتينگى؛
• QS University Rankings by Region – ۇزدىك ايماقتىق ۋنيۆەرسيتەتتەردىڭ رەيتينگتەرى (ەۋروپا، لاتىن امەريكا، ازيا، اراب ايماعى)؛
• QS Best Student Cities – الەمنىڭ ۇزدىك ستۋدەنتتىك قالالارى؛ - QS Global MBA Rankings – ۇزدىك MBA باعدارلامالارىنىڭ رەيتينگى؛
• QS Business Masters Rankings – ۇزدىك ماگيستراتۋرا باعدارلامالارىنىڭ رەيتينگى؛
• QS International Trade Rankings – ۇزدىك حالىقارالىق ساۋدا بويىنشا ماگيستراتۋرا باعدارلامالارىنىڭ رەيتينگى؛
• QS Graduate Employability Rankings – تۇلەكتەرىنىڭ جۇمىسقا ورنالاسۋى بويىنشا ۇزدىك ۋنيۆەرسيتەتتەر رەيتينگى؛
• QS Stars University Rankings – بەلگىلى ءبىر باعىتتار بويىنشا ۇزدىك ۋنيۆەرسيتەتتەردىڭ رەيتينگى.

  QS World University Rankings الەمدەگى ۇزدىك ۋنيۆەرسيتەتتەردىڭ فلاگماندىق رەيتينگىندە قازاقستاندىق جوو-لاردىڭ سانى سوڭعى ءتورت جىلدا ەكى ەسەدەن استام ءوستى، ال سوڭعى ءۇش جىلدا 14-تەن 21 ۋنيۆەرسيتەتكە دەيىن ءبىر جارىم ەسەگە ءوستى.

 پاندىك رەيتينگتەردە قازاقستاندىق جوعارى وقۋ ورىندارىنىڭ سانى ءتورت جىلدا ءتورت ەسەگە ءوستى (2 جوعارى وقۋ ورنىنان 8 ۋنيۆەرسيتەتكە دەيىن). QS Sustainability Rankings تۇراقتى دامۋ ماقساتتارىنا قول جەتكىزۋ سالاسىنداعى الەمنىڭ ۇزدىك ۋنيۆەرسيتەتتەرىنىڭ رەيتينگى ەرەكشە ورىن الادى، ونىڭ سوڭعى شىعارىلىمىندا بىردەن 12 قازاقستاندىق جوو دەبيۋت جاساپ، «باسقارۋ مودەلى» ينديكاتورى بويىنشا بارىنشا سەنىمدى ناتيجەلەردى كورسەتتى.

  QS Stars باعدارلاماسىنا قاتىسۋشى قازاقستاندىق جوعارى وقۋ ورىندارىنىڭ سانى سوڭعى ءۇش جىلدا 22-گە دەيىن ءوستى. بۇل باعدارلاما بەدەل مەن عىلىمي ونىمدىلىكتەن ينكليۋزيۆتىلىككە جانە ورنىقتى دامۋعا قوسقان ۇلەسىنە دەيىن ءار ۋنيۆەرسيتەتتىڭ ەرەكشە مىقتى جاقتارىن انىقتاۋعا مۇمكىندىك بەرەتىن تاۋەلسىز اۋديت ناتيجەلەرىنىڭ ارقاسىندا ەلىمىزدىڭ جەتەكشى جوعارى وقۋ ورىندارىنا شەت ەلدەردەن دارىندى ستۋدەنتتەر مەن وقىتۋشىلاردى تارتۋ بويىنشا جاڭا مۇمكىندىكتەر ۇسىنادى.

  2024 جىلعى قىركۇيەكتە QS Global MBA Rankings ۇزدىك MBA باعدارلامالارىنىڭ رەيتينگتەرى جاريالاندى، وندا 2016 جىلدان بەرى العاش رەت قازاقستاندىق جوعارى وقۋ ورىندارىنىڭ قاتىسۋى بىردەن ۇشكە دەيىن ارتتى.

  سونداي-اق قازاقستان QS Best Student Cities Rankings الەمنىڭ ۇزدىك ستۋدەنتتىك قالالارى رەيتينگىندە ۇسىنىلعان، وعان ەلىمىزدىڭ ەكى قالاسى – استانا جانە الماتى كىرەدى.

  جوعارىدا اتالعان رەيتينگتەردىڭ سوڭعى ەكەۋىندە – QS Global MBA Rankings جانە QS Best Student Cities Rankings – ورتالىق ازيا ەلدەرىنەن تەك قازاقستان عانا ۇسىنىلعان.

  ازيا رەيتينگىنىڭ جاڭا شىعارىلىمىندا 25 ەل مەن اۋماقتان 985 جوو بار. قازاقستاندىق جوعارى وقۋ ورىندارى ءۇشىن ەڭ ۇلكەن باسەكەلەستىكتى ءۇندىستان، جۇڭگو، جاپونيا جانە وڭتۇستىك كورەيانىڭ جوعارى وقۋ ورىندارى قۇرايدى.

 جاڭا شىعارىلىم رەيتينگكە قاتىسۋشى قازاقستاندىق جوعارى وقۋ ورىندارىنىڭ پوزيسيالارىنىڭ اسەرلى سەرپىنىمەن ەرەكشەلەندى، ولاردىڭ ۇشتەن ەكىسى بىلتىرعى ناتيجەلەرىن جاقسارتتى.

  2025 جىلعى ازيانىڭ ۇزدىك ۋنيۆەرسيتەتتەرىنىڭ جاڭا رەيتينگى QS Asia University Rankings 2025 قۇرامىنا 35 قازاقستاندىق جوو كىرەدى، بۇل ەل تاريحىنداعى جوعارى ءبىلىمنىڭ ءابسوليۋتتى رەكوردى بولىپ وتىر.

  «قازاقستاننىڭ ازيانىڭ ۇزدىك ۋنيۆەرسيتەتتەرى رەيتينگىندەگى (QS Asia University Rankings) پوزيسيالارىنىڭ كۇشەيۋى جوعارى ءبىلىم بەرۋدىڭ ەڭ جوعارى ستاندارتتارىنا سايكەستىگىن جانە حالىقارالىق دارەجەدە تانىلۋىنىڭ ءوسۋىن كورسەتەدى. بيىلعى جىلى قول جەتكىزىلگەن وڭ ديناميكا رەيتينگكە كىرەتىن قازاقستان ۋنيۆەرسيتەتتەرىنىڭ ۇشتەن ەكىسىنىڭ پوزيسيالارىنىڭ جاقسارۋىمەن جانە رەيتينگتىڭ العاشقى جۇزدىگىندەگى قازاقستاندىق جوعارى وقۋ ورىندارىنىڭ سانىنىڭ ەكىدەن ۇشكە دەيىن ۇلعايۋىمەن سيپاتتالادى. مۇنداي اسەرلى ناتيجەلەر ءبىلىم بەرۋدە ءتيىمدى تاسىلدەردى قولدانۋعا مۇمكىندىك بەرەتىن ءبىلىم بەرۋ ورتاسىنىڭ جوعارى ساپاسىنىڭ جانە بەدەل رەيتينگىنىڭ ۇزدىكسىز ءوسۋىنىڭ ارقاسىندا مۇمكىن بولدى»، - دەدى Quacquarelli Symonds اعا ۆيسە-پرەزيدەنتى بەن ساۋتەر.

 22 جوو ءوز پوزيسيالارىن جاقسارتتى، ءۇش جوو ءوز پوزيسيالارىن ساقتادى، ءبىر جوو – قازاق ۇلتتىق قىزدار پەداگوگيكالىق ۋنيۆەرسيتەتى – ءبىر جىلدىق ۇزىلىستەن كەيىن رەيتينگكە ورالدى.

  ەلىمىزدىڭ جەتەكشى ءۇش جوعارى وقۋ ورنى رەيتينگتىڭ ءبىرىنشى جۇزدىگىندە تۇر، وعان ءال-فارابي اتىنداعى قازاق ۇلتتىق ۋنيۆەرسيتەتى، ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتى جانە ءقازىر 89-ورىندا تۇرعان Satbayev University كىرەدى.

 قازاقستان بەدەل كورسەتكىشتەرىن دە ەداۋىر ارتتىردى: رەيتينگكە قاتىسۋشى قازاقستاندىق جوعارى وقۋ ورىندارىنىڭ 77%-ى اكادەميالىق بەدەل بويىنشا جانە 89%-ى جۇمىس بەرۋشىلەر اراسىنداعى بەدەل بويىنشا ءوز ناتيجەلەرىن جاقسارتتى.

  QS وڭىرلىك ديرەكتورى سەرگەي حريستوليۋبوۆ: «قازاقستاندىق جوعارى وقۋ ورىندارىنىڭ سانى ازيانىڭ ۇزدىك ۋنيۆەرسيتەتتەرى رەيتينگىندە (QS Asia University Rankings) 35-كە دەيىن ءوستى. بۇل – قازاقستاننىڭ جوعارى ءبىلىم تاريحىنداعى ءابسوليۋتتى رەكوردى. وتكەن جىلمەن سالىستىرعاندا رەيتينگكە قاتىسۋشى قازاقستاندىق جوعارى وقۋ ورىندارىنىڭ ەسەپتىك كورسەتكىشتەرىنىڭ ورتاشا ماندەرى ءادىسنامانىڭ ءاربىر ينديكاتورى بويىنشا وسكەنىن اتاپ ءوتۋ وتە ماڭىزدى، بۇل ءبىرقاتار نەگىزگى باعىتتاردى قوزعايتىن قازاقستاندىق جوعارى وقۋ ورىندارىنىڭ جاھاندىق باسەكەگە قابىلەتتىلىگىن ارتتىرۋ بويىنشا جۇيەلى جۇمىس تۋرالى كۋالاندىرادى. اعىمداعى جىلى قازاقستاندىق اۆتورلاردىڭ ءبىرىنشى جانە ەكىنشى توقساندا جۋرنالدارداعى جاريالانىمدارىنىڭ ۇلەسى العاش رەت 70%-دان استى، بۇل عىلىمي زەرتتەۋلەردىڭ ىقپالىنىڭ ارتۋىن جانە قازاقستاننىڭ ءبىلىم بەرۋ مەكەمەلەرى مەن عىلىمي ۇيىمدارىنىڭ جاريالاۋ ستراتەگيالارىنىڭ تيىمدىلىگىن ارتتىرعانىن كورسەتەدى. قازاقستاندىق جوعارى وقۋ ورىندارىن رەيتينگتەردە ودان ءارى ىلگەرىلەتۋ ءۇشىن نەگىزگى مۇمكىندىكتەردىڭ ءبىرى ماتەريالدىق جانە ماتەريالدىق ەمەس ىنتالاندىرۋلار جاساۋ جانە اكادەميالىق جازۋ داعدىلارىن دامىتۋ ارقىلى وقىتۋشىلار مەن قىزمەتكەرلەردى عىلىمي زەرتتەۋلەرگە تارتۋ بولىپ قالا بەرەدى»، - دەدى.

 وسىلايشا، قازاقستاندىق جوعارى وقۋ ورىندارىنىڭ حالىقارالىق اكادەميالىق جانە جۇمىس بەرۋشىلەر قاۋىمداستىقتارىنداعى بەدەلى نىعايا تۇسۋدە. ءبىلىم بەرۋ ورتاسىنىڭ جوعارى ساپاسى رەيتينگكە قاتىسۋشى قازاقستاندىق جوعارى وقۋ ورىندارىنىڭ باستى باسەكەلەستىك ارتىقشىلىعى بولىپ قالا بەرەدى، بۇعان وقىتۋشىلار مەن ستۋدەنتتەر سانىنىڭ اراقاتىناسى ينديكاتورى بويىنشا ولاردىڭ ناتيجەلەرى دالەل بولا الادى.

 رەيتينگتە قازاقستاندىق جوعارى وقۋ ورىندارىن ودان ءارى ىلگەرىلەتۋدىڭ نەگىزگى باعىتى حالىقارالىق عىلىمي ىنتىماقتاستىق جوبالاراىنا قاتىسۋ، عىلىمي ونىمدىلىكتى ارتتىرۋ جانە قازىرگى زامانعى عىلىمي كۇن تارتىبىنە ىقپالىن كەڭەيتۋ بولىپ قالا بەرەدى.