شىمكەنت قىلمىستىق ىستەر جونىندەگى اۋدانارالىق سوتى ءدىني الاۋىزدىقتى قوزدىرۋعا باعىتتالعان قاساقانا ارەكەتتەرى ءۇشىن ايىپتالعان ايەلگە قاتىستى قىلمىستىق ءىستى قارادى، دەپ حابارلايدى aqshamnews.kz.
سوت مالىمەتىنشە، نەوتەنگريزمدى ۇستانعان قازاقستاندىق ايەل ءبىر جىلعا جۋىق ۋاقىت بويى TikTok الەۋمەتتىك جەلىسىندە تىكەلەي ەفيرلەر وتكىزىپ، ونىڭ بارىسىندا ءدىني الاۋىزدىق تۋدىرعان.
سوتتالۋشى ءوز كىناسىن مويىنداپ، وعان جەڭىل جازا تاعايىنداۋدى ءوتىندى. پروكۋرور ءوز كەزەگىندە سوتتان باس بوستاندىعىن شەكتەۋ جازاسىن تاعايىنداۋدى سۇرادى.
سوتتالۋشىنىڭ شىن جۇرەكتەن وكىنۋى جانە اۋىرلاتاتىن ءمان-جايلاردىڭ بولماۋى تۇرىندەگى جەڭىلدەتەتىن ءمان-جايلاردى ەسكەرە وتىرىپ، سوت ايەلدى ەكى جىلعا باس بوستاندىعىن شەكتەۋگە ۇكىم شىعاردى.
ۇكىم زاڭدى كۇشىنە ەنگەن جوق.