الداعى ۋاقىتتا قازاقستاننىڭ كولىك-الەۋمەتتىك الەۋەتىن دامىتۋ ماقساتىندا قاۋىپسىزدىك كەڭەسىنىڭ ارنايى وتىرىس وتپەك
ق ر پرەزيدەنتى جانىنداعى ق ر ۇعا اكادەميگى باعدات تەلتايەۆ ۇلتتىق قۇرىلتايدىڭ IV وتىرىسى تۋرالى پىكىر ءبىلدىرىپ، مەملەكەت باسشىسىنىڭ ەلدىڭ كولىك-ترانزيتتىك الەۋەتىن كوتەرۋ ارقىلى ەكونوميكانى دامىتۋعا بولادى دەگەن ۇسىنىسىن قولدايتىنىن جەتكىزدى، دەپ حابارلايدى aqshamnews.kz.
«ۇلتتىق قۇرىلتايدا مەملەكەت باسشىسى «ءار ەلدىڭ دامۋىنىڭ نەگىزى ەكونوميكا بولسا، سول ەكونوميكانىڭ نەگىزى – سالىق» دەگەندى ايتتى. ياعني، ەلىمىزدە قازىرگى كەزدە سالىق جۇيەسىندەگى وزگەرىستەر ەنگىزۋ ماسەلەسىن كوتەردى. مۇنى حالىق جاقسى ءتۇسىنىپ وتىر، سوندىقتان الداعى ۋاقىتتا حالىققا دا، ەكونوميكانىڭ دامۋىنا دا وڭتايلى شەشىم قابىلدايمىز دەپ ويلايمىن.
پرەزيدەنت ءوز سوزىندە ينفراقۇرىلىم ماسەلەسىنە دە توقتالىپ ءوتتى. ەكى اي بۇرىن، ياعني بيىلعى 28 قاڭتاردا مەملەكەت باسشىسى ۇكىمەتتىڭ كەڭەستىلگەن وتىرىسىندا ۇلكەن تاپسىرمالار بەردى. سونىڭ ىشىندە ينفراقۇرىلىم مەن كولىك لوگيستيكا سالاسىنا كوپ كوڭىل ءبولۋدى اتاپ وتكەن بولاتىن. بۇل جولى دا پرەزيدەنت قازاقستان ءۇشىن 4 ءىرى سالانى نىساناعا الىپ، سونى ەل بولاشاعى ءۇشىن دامىتۋ تۋرالى ايتتى. سونىڭ ىشىندە كولىك تاسىمالىنا نازار اۋداردى. وسىعان قاتىستى ايتار بولساق، الداعى ۋاقىتتا 9 اۆتوكولىك بەكەتىن جاڭارتۋ جوسپارلانىپ وتىر. سونىڭ نەگىزىندە اۆتوكولىك وتەتىن ترانزيتتىك جولداردىڭ الەۋەتى ارتپاق»، - دەدى باعدات تەلتايەۆ.
جالپى، ۇكىمەتتىڭ كەڭەيتىلگەن وتىرىسىندا مەملەكەت باسشىسى «الەمدىك ساۋدادا كولىك-لوگيستيكا ماسەلەسى ءبىرىنشى ورىندى الىپ تۇر» دەپ ايتقان بولاتىن. اكادەميكتىڭ ايتۋىنشا، ەۋرازيا قۇرلىعىندا وڭتايلى ورنالاسقان قازاقستان ءۇشىن مۇنى ءتىپتى «التىن بالىق» دەۋگە دە بولادى. سوندىقتان ءبىز وسى ارتىقشىلىعىمىزدى ەل يگىلىگى ءۇشىن دۇرىس پايدالانا ءبىلۋىمىز كەرەك. ياعني، بيۋدجەتتى تەك مۇناي، مەتالل ساتىپ تولتىرىپ وتىرماي، ءوزىمىزدىڭ كولىكتىك دالىزدەرىمىزدى ساپالى ەتىپ سالىپ، كۇتىپ-باپتاپ، وزگە ەلدەردىڭ كولىكتەرىن وتكىزۋ ارقىلى پايدا تاۋىپ، ەل ەكونوميكاسىن الدەقايدا كوتەرىپ الۋ مۇمكىندىگى بارىن مەملەكتە باسشىسى جاقسى ءتۇسىنىپ وتىر. ونى باسقا ماماندار دا، حالىق تا جاقسى ءتۇسىنىپ كەلە جاتىر.
«پرەزيدەنت ۇكىمەتتىڭ كەڭەيتىلگەن وتىرىسىندا «قازاقستاننىڭ كولىك-الەۋمەتتىك الەۋەتىن دامىتۋ ماقساتىندا قاۋىپسىزدىك كەڭەسىنىڭ ارنايى ءماجىلىسىن ارنايمىن» دەگەن ەدى جانە الدىن الا مامىر ايىنددا بولادى دەگەن ۇسىنىس تاستادى. ەگەمەن قازاقستان تاريحىندا مۇنداي ماڭىزدى جايت، ياعني ەكونوميكانىڭ ءبىر سالاسىن جاريا تۇردە قاۋىپسىزدىك كەڭەسىنىڭ ارنايى وتىرىسىندا تالقىلاۋ بۇرىن-سوڭدى بولماعان. سوندىقتان بۇل دا ەلىمىز ءۇشىن كولىك ءترانزيتى الەۋەتىنىڭ وتە ماڭىزدى ەكەنىن بىلدىرسە كەرەك. سوندىقتان وسى ماسەلەنى ءبىز دە تەرەڭ ءارى جان-جاقسى زەرتتەپ، ءوز ۇسىنىستارىمىزدى، اقىل-كەڭەسىمىزدى بەرۋىمىز كەرەك.
ماسەلەن، پرەزيدەنت جانىنداعى ق ر ۇعا كولىك سەكسياسى ءقازىر ۇسىنىس دايىنداپ جاتىر. الدا وتەتىن قاۋىپسىزدىك كەڭەسىنىڭ وتىرىسىندا قانداي ماسەلەلەرگە كوڭىل بولگەن ابزال. ءبىز دە ءوز تاراپىمىزدان قانداي شەشىمدەر قازاقستاننىڭ كولىك-ترانزيتتىك الەۋەتىن ارتتىرادى جانە ەلىمىزگە پايدالى بولادى دەگەن ماقساتپەن ءتيىستى ۇسىنىستار دايىندار جاتىرمىز»، - دەدى ب. تەلتايەۆ.