ناۋرىز ايىندا الماتىدا جولدارداعى كولىك سانىنىڭ كوبەيۋى بايقالۋدا، اسىرەسە 17:00 مەن 18:00 ارالىعىندا. ساراپشىلار بۇل جاعدايدى رامازان ايىمەن بايلانىستىرادى دەپ بولجام جاسالۋدا، دەپ حابارلايدى aqshamnews.kz
Sergek ITS جۇيەسى الماتىداعى جول قوزعالىسىن زەرتتەپ، رامازان ايىنىڭ باستالۋىمەن كولىك تىعىنىنىڭ ارتقانىن جانە كەشكى قاربالاس ۋاقىتتا وزگەرىستەردى بايقالدى. بۇل زەرتتەۋ وتكەن ايمەن سالىستىرعاندا جولداردىڭ جۇكتەمەسىنىڭ جوعارىلاعانىن كورسەتتى.
«ناۋرىزدىڭ باسىندا الماتى جولدارىنداعى جۇكتەمە 8% ءوستى. ال 16:00 مەن 17:00 ارالىعىندا قوزعالىس قارقىنى 5% تومەندەسە، 17:00 مەن 18:00 اراسىندا كولىك سانى 4% ارتتى. بۇل كەشكى ترافيكتىڭ ءبىرشاما وزگەرگەنىن كورسەتەدى. بۇل وزگەرىس رامازان ايىنىڭ باستالۋىمەن بايلانىستى بولۋى مۇمكىن — ادامدار اۋىزاشارعا ۋاقىتىندا جەتۋ ءۇشىن جولعا ەرتەرەك شىعا باستايدى»، — دەپ مالىمدەدى ماماندار.
ساراپشىلاردىڭ پىكىرىنشە، بۇل وزگەرىستەردىڭ نەگىزگى سەبەبى — رامازان ايىنىڭ باستالۋى. جۇرگىزۋشىلەر كەشكى ۋاقىتتا جول قوزعالىسىنىڭ وزگەرىستەرىن ەسكەرىپ، مارشرۋتتارىن الدىن الا جوسپارلاپ، اۋىزاشار ۋاقىتىنا كەشىكپەۋگە تىرىسۋى كەرەك.