دەنساۋلىق ساقتاۋ مينيسترلىگىندە دەنساۋلىق ساقتاۋ ۆيسە-مينيسترى ەرجان نۇرلىبايەۆ ق ر پارلامەنتى سەناتىنىڭ دەپۋتاتتارىمەن، ساراپشىلارمەن، ەڭبەك جانە حالىقتى الەۋمەتتىك قورعاۋ، اعارتۋ مينيسترلىكتەرىنىڭ وكىلدەرىمەن، پراكتيك دارىگەرلەرمەن جاق-بەت پاتولوگياسى بار بالالارعا مەديسينالىق كومەك كورسەتۋدىڭ وزەكتى ماسەلەلەرىن تالقىلاۋ ءۇشىن كەزدەسۋ وتكىزدى.
بۇگىندە قازاقستاندا كەمىستىكتى جويۋعا، سونداي-اق تۇلعانىڭ ەستەتيكالىق كەلبەتىن بىرنەشە كەزەڭدە قالپىنا كەلتىرۋگە باعىتتالعان بالالارعا وپەراسيالىق ارالاسۋدىڭ 18 ءتۇرى جۇرگىزىلەدى، دەپ حابارلايدى aqshamnews.kz سالا مينيسترلىگىنە سىلتەمە جاساپ.
2024 جىلى مىنالار جۇرگىزىلدى:
* اۋىز قۋىسىنىڭ قۇرىلىمىنا 4800 وپەراسيا؛
* 846 قالپىنا كەلتىرۋ جانە پلاستيكالىق وپەراسيا؛
* بەت سۇيەگىنە 1035 وپەراسيا؛
* بەت سۇيەگى مەن جۇتقىنشاققا 45 وپەراسيا.
سونىمەن قاتار، وتكەن جىلى ورتودونتيالىق تۇزەتۋ بويىنشا 12،5 مىڭنان استام قىزمەت جانە ءتىس-جاق پاتولوگياسىن جويۋعا ارنالعان مامانداندىرىلعان اپپاراتتاردى پايدالانا وتىرىپ، جاق-بەت ايماعىندا تۋا بىتكەن اۋىتقۋى بار بالالارعا 12،8 مىڭنان استام ورتودونتيالىق كومەك كورسەتىلدى. سونداي-اق الىنبالى اپپاراتتاردى پايدالانا وتىرىپ، ورتودونتيالىق كومەكتىڭ 7061 قىزمەتى جۇرگىزىلدى.
جىل سايىن قازاقستاندا تۋا بىتكەن جاق-بەت كەمىستىكتەرى بار 200-250 بالا تۋادى، ولارعا حيرۋرگيالىق تۇزەتۋدى، ورتودونتيالىق كومەكتى جانە ەندوپروتەزدەۋدى قوسا العاندا، ءارتۇرلى ەمدەۋ قاجەت.
جاق-بەت پاتولوگياسى - مەديسينالىق كومەك كورسەتۋ تۇرعىسىنان ەڭ كۇردەلى، كوپ ساتىلى، ءبىرقاتار ارالاس مامانداردى تارتۋدى تالاپ ەتەدى. جاق-بەت حيرۋرگتارىنان، ستوماتولوگتاردان، پەدياترلاردان باسقا نەوناتولوگتاردىڭ، نەيروحيرۋرگتاردىڭ، گەنەتيكتەردىڭ، وتولارينگولوگتاردىڭ قاتىسۋى قاجەت. مۇنداي بالالاردى وڭالتۋ مەديسينالىق ەمەس مامانداردى: لوگوپەدتەردى، پەداگوگتاردى، كلينيكالىق پسيحولوگتاردى تارتپاي مۇمكىن ەمەس.
تەحنولوگيالاردى ءتيىستى ۇيلەستىرۋ جانە ترانسفەرتتەۋ ماقساتىندا بالالار جاق-بەت حيرۋرگياسى ورتالىعى بولىپ «UMC» كق انا مەن بالا ۇلتتىق عىلىمي ورتالىعى ايقىندالدى.
كەزدەسۋگە قاتىسۋشىلاردىڭ نازارىندا وبلىستىق بالالار ستاسيونارلارى بازاسىندا مامانداندىرىلعان مەديسينالىق كومەكتى ۇيىمداستىرۋ، پاسيەنتتەردى مەديسينالىق كومەك كورسەتۋ دەڭگەيلەرى بويىنشا مارشرۋتتاۋ، شەتەلدىك جانە قازاقستاندىق مامانداردى تارتا وتىرىپ، وڭىرلەردە دارىگەرلەردى وقىتۋ ماسەلەلەرى بولدى. بۇل جەرگىلىكتى جەرلەردە جوعارى ساپالى قىزمەتتەردىڭ قولجەتىمدىلىگىن قامتاماسىز ەتۋگە جانە رەسپۋبليكالىق مەديسينالىق ورتالىقتارعا جۇكتەمەنى ازايتۋعا مۇمكىندىك بەرەدى.
پروبلەمالىق ماسەلەلەردى تالقىلاۋ بارىسىندا ق ر پارلامەنتى سەناتىنىڭ دەپۋتاتى جاننا اسانوۆا بەتتىڭ كەمىستىكتەرىنەن زارداپ شەگەتىن كوپتەگەن بالا ايتارلىقتاي پسيحولوگيالىق قيىندىقتارعا تاپ بولۋعا ءماجبۇر ەكەنىن، بۇل ولاردىڭ دامۋى مەن وتباسىنداعى قارىم-قاتىناستارىنا اسەر ەتەتىنىن اتاپ ءوتتى.
دەپۋتات ورتودونتيالىق كومەكتى ىلگەرىلەتۋگە جانە وسى سالاداعى باسقا دا ماسەلەلەردى شەشۋگە بەلسەندى قولداۋ كورسەتۋگە دايىن ەكەنىن ءبىلدىردى. ءار بالانىڭ قاجەتتى ەمدەلۋى جانە تولىققاندى ءومىر ءسۇرۋ مۇمكىندىگى بولۋى ماڭىزدى، دەپ اتاپ ءوتتى سەناتور.
انا مەن بالا دەنساۋلىعىن ساقتاۋ دەپارتامەنتىنىڭ ديرەكتورى ماعريپا ەمبەرگەنوۆانىڭ ايتۋىنشا، دەنساۋلىق ساقتاۋ مينيسترلىگى پاسيەنتتەردى مارشرۋتتاۋ الگوريتمىن جانە جاق-بەت پاتولوگياسى بار بالالارعا مەديسينالىق كومەك كورسەتۋدى وڭىرلەندىرۋ جۇيەسىن ازىرلەيتىن بولادى. بۇل پاسيەنتتەردى بىركەلكى ءبولۋدى قامتاماسىز ەتەدى جانە امبۋلاتوريادان ستاسيونارلىق قىزمەتكە دەيىنگى بارلىق دەڭگەيلەردە مەديسينالىق قىزمەتتەردىڭ ساپاسىن جاقسارتادى.
سونداي-اق، ۆيسە-مينيستر 2026 جىلدان باستاپ وبلىستىق ەرەسەكتەر مەن بالالار اۋرۋحانالارىن دامىتۋ جونىندەگى جوبانى ىسكە اسىرۋ جوسپارلانىپ وتىرعانىن اتاپ ءوتتى، وندا جاق-بەت حيرۋرگياسى بويىنشا زاماناۋي جاڭا تەحنولوگيالار سارالاناتىن بولادى. وسى جوبانىڭ شەڭبەرىندە ستاسيونارلاردىڭ ماتەريالدىق-تەحنيكالىق بازاسىن كۇشەيتۋ، جوو-لار ورنالاسقان وڭىرلىك ورتالىقتاردىڭ ەسەبىنەن مامانداردى دايارلاۋدىڭ دۋالدى ءبىلىم بەرۋ ەلەمەنتىن ەنگىزۋ كوزدەلگەن.
مەديسينالىق كومەكتىڭ وسى ءتۇرىن وڭىرلەندىرۋدىڭ ءساتتى مىسالدارى قوستاناي جانە جامبىل وبلىستارى بولدى، وندا 2024 جىلى جبپ جويۋ بويىنشا جاڭا وپەراسيالىق ارالاسۋلار جۇرگىزىلدى.
سەنات دەپۋتاتتارى باستاماشىلىق ەتكەن كەزدەسۋدىڭ قورىتىندىسى بويىنشا دەنساۋلىق ساقتاۋ مينيسترلىگى جاق-بەت پاتولوگياسى بار بالالارعا ارنالعان ءىرى ورتالىقتاردا قىمبات تۇراتىن وپەراسيالىق ارالاسۋدىڭ بارلىق تۇرلەرىنىڭ قولجەتىمدىلىگىن جاقسارتۋعا مۇمكىندىك بەرەتىن جەكە باعدارلامانىڭ جوباسىن ازىرلەۋ جونىندە ۇسىنىس جاسادى، سونداي-اق جاق-بەت پاتولوگياسى بار بالالاردى قولداۋ جونىندەگى ۆەدومستۆوارالىق جوسپار ازىرلەنەتىن بولادى.
ءوز كەزەگىندە، ق ر دسم-نىڭ باس شتاتتان تىس گەنەتيگى بەت دامۋىنىڭ كەمىستىگى فولاتقا تاۋەلدى كەمىستىگى ەكەنىن اتاپ ءوتتى. جاتىرىشىلىك دامۋ كەزەڭىندە مۇنداي كەمىستىكتەردىڭ پروفيلاكتيكاسى ءۇشىن فوليي قىشقىلىن قابىلداۋ قاجەت، ول بالانىڭ تۋۋىن جوسپارلاۋ كەزەڭىندە ۇسىنىلادى. «انالار ساۋلىعى» جوباسىنىڭ شەڭبەرىندە ايەلدەردى جۇكتىلىككە دايىنداۋ كەشەنى كوزدەلەدى.
جاق-بەت پاتولوگياسى بار بالالارعا قىمبات حيرۋرگيالىق، ورتودونتيالىق جانە ستوماتولوگيالىق كومەكتىڭ بارلىق كولەمى كەپىلدەندىرىلگەن مەديسينالىق كومەك پاكەتىنىڭ شەڭبەرىندە دە، مىندەتتى الەۋمەتتىك مەديسينالىق ساقتاندىرۋ جۇيەسىندە دە تەگىن كورسەتىلەتىنىن ايتا كەتكەن ءجون.