الماتى وبلىسى قاراساي اۋدانىنداعى قاسكەلەڭ كوپىرىنەن اۆتوبۋس قۇلاپ كەتتى، دەپ حابارلايدى aqshamnews.kz.
جول اپاتى 12 قىركۇيەك تۇنگى ساعات 22:00 شاماسىندا بولدى. ازىرگە بەلگىلىسى، جۇرگىزۋشى جولدا اۋىرىپ، قانىنداعى قانت مولشەرى كوتەرىلىپ كەتكەن.
وبلىستىق پوليسيا جول اپاتى بويىنشا قىلمىستىق ءىس قوزعادى.
12 قىركۇيەكتە يۋتونگ اۆتوبۋسىنىڭ جۇرگىزۋشىسى «الماتى-بىشكەك» تاس جولىنىڭ 25-شاقىرىمىندا كەلە جاتىپ، كەرى بۇرىلۋ مانيەۆرىن جاساعان كەزدە ءرولدى باسقارا الماي قالعان. سالدارىنان قورشاۋعا سوعىلىپ، كوپىردەن قۇلاپ كەتكەنى انىقتالدى. سول كەزدە Mercedes Benz Sprinter كولىگىنىڭ ارتقى جاعىنا ءتۇستى. جول اپاتى كەزىندە اۆتوبۋس جۇرگىزۋشىسى ەس-تۇسسىز بولعان، – دەپ حابارلادى الماتى وبلىستىق پوليسيا دەپارتامەنتى جەرگىلىكتى پوليسيا قىزمەتى باستىعىنىڭ ورىنباسارى بەرىك داكييەۆ.
قازىرگى ۋاقىتتا اۆتوبۋس جۇرگىزۋشىسى جانساقتاۋ بولىمىندە جاتىر.
ال جول اپاتى سالدارىنان كەپتەلىستە تۇرعان كولىك سانى بىرنەشە شاقىرىمعا جەتتى. توقتاپ تۇرعان كولىكتەردى پوليسيا تەك ەكى ساعاتتان كەيىن جولدان وتكىزە باستادى.